web counter
LEXO PA REKLAMA!

SHKARKO APP

App Store
Google Play

'Kapet' deputetja me ministren në Kuvend/ Përplasje të forta për mesataren: Kam medalje ari që nga klasa e parë

20 Tetor 2022, 19:41, Aktualitet CNA
'Kapet' deputetja me ministren në Kuvend/ Përplasje të
Foto ilustruese nga Kuvendi

Një përplasje të fortë ka patur edhe mes, ministres Evis Kushi dhe deputetes demokrate Ina Zhupa.

Zhupa është shprehur se ka medalje të artë që nga klasa e parë, ndërsa i drejtohet ministres të tregojë mesataren e saj dhe të flasë për plagjiaturën e diplomës së saj.

‘Kushi erdhi në Komisionin për të raportuar nisjen e fillimit të ri të vitit shkollor. Pamundësisë për të mu kthyer në argumente dhe tha një batutë: Unë e di mesataren tënde. Do më vinte mirë, por ta dinte mesataren time edhe po të kishte shkelur ligjin. Fatmirësisht unë s’kam asnjë të përbashkët me ju. Unë e kam mbaruar që nga klasa e parë me medalje ari. Herë tjetër mundohu që kur të kthesh përgjigje, fol me argumente. Se mund të ndodhë si ty, se të ngel sharra në gozhdë. Tani të lutem meqë e hape këtë betejë, hajde ti këtu e na fol për plagjiaturën tënde na fol ti për mesataren tënde.’- tha Zhupa.

Ndërkohë, ministrja Kushi i është kthyer duke i dhënë një këshillë Zhupës, duke i thënë që të mos sakrifikojë edukatën për karrierë.

‘Njerëzit këtu nuk janë për të dëgjuar për diplomat por për sigurinë kibernetike. Por referuar replikës se pse nuk kisha një përgjigje dje. Ju ikët dhe nuk më dëgjuat dje. Meqenëse dje nuk dëgjuat disa argumente, lidhur me mbylljen e kopshtit i referoheni një neni të gabuar. Neni që duhet t’i referohemi është neni 42. Atij që i referoheni nuk ka vlerë. Në lidhje me pedagogët e protestën, u hodhët nga një degë në tjetrën, por vetëm për sigurinë nuk folët. Jemi në dialog të vazhdueshëm me pedagogët, përveç rritjes së pagës do mëremi me kërkesat e tjera të tyre. Halli i Berishës dhe PD, nuk është për pedagogët, ne do komunikojmë, do i trajtojmë të gjitha çështjet. Nga PD pedagogët nuk presin asgjë, sepse jeni ju që keni hapur universitete fantazmë, që dhatë diploma me lekë.Për Zhupën kam një përgjigje për ju se këshilla mbase nuk jam aq e madhe. Por jam më e madhe se ju, shoh një ambicie të madhe te ju për të bërë karrierë, ju do bëni karrierë se medaljet e arit i paskeni por, mos e sakrifikoni edukatën nga ambicia për karrierë”, u kundërpërgjigj Kushi./ CNA.al





Lajmet e fundit nga