web counter
LEXO PA REKLAMA!

SHKARKO APP

App Store
Google Play

E fundit!

x

Përpara një ngjarje "Rasha 2"?/ Ervin Karamuço paralajmëron për rastin e 32-vjeçarit

20 Tetor 2022, 14:21, Aktualitet CNA
Përpara një ngjarje "Rasha 2"?/ Ervin Karamuço
Ervin Karamuço

Eksperti i kriminalistikës, Ervin Karamuço ka reaguar lidhur me ndarjen e mistershme nga jeta në duart e policisë të 32-vjeçarit Laert Kurti.

Karamuço shprehet se është ende heret për të dalë në konkluzione, por ai thekson disa problematika që policisë i janë evidentuar edhe më parë, por nuk i kanë marrë parasysh.

Sakaq në vijim të reagimit të tij Karamuço uron që ky rast të mos jetë i ngjashëm me atë të Klodian Rashës, që u vra nga efektivi Nevaldo Hajdaraj.

Reagimi i plotë:

Çështja është në hetim dhe është ende herët të dalim në konkluzione, por ka disa gjëra që ne i kemi ngritur shpesh dhe policia nuk na ka dëgjuar. Asistenca dhe mbikqyrja psikilogjike dhe e shëndetit emocional të policëve të terrenit është shumë urgjente me qëllim që ata të reagojnë në mënyrë të përgjegjshme sipas ligjit dhe procedurave standarde.
Ndihet emergjente rivendosja në funksion e minikamerave trupore operacionale të policisë së shtetit sepse do ndihmojnë shumë në hetimin dhe zbardhjen e ngjarjeve të tilla. Nuk ka ende një informacion se pse janë hequr minikamerat.
Rregulli i artë për të cilët duhet bërë shumë punë trajnuese në vazhdim me policinë është që me prangosjen e personit mbaron forca e ligjshme e përshkallëzuar. Nga ai moment fillojnë të drejtat e njeriut.
Uroj mos jemi përpara një ngjarje Rasha 2"- u shpreh eksperti./CNA.al

 





Lajmet e fundit nga