web counter
LEXO PA REKLAMA!

SHKARKO APP

App Store
Google Play

E fundit!

x

“Kriminelë me uniformë i morën jetën 32-vjeçarit”/ Berisha, thirrje të rinjve për protesta

20 Tetor 2022, 11:02, Aktualitet CNA

“Kriminelë me uniformë i morën jetën

Kreu i PD-së, Sali Berisha, në një deklaratë për mediat jashtë Kuvendit është shprehur se kriminelët me uniformë i morën jetën Laer Kurtit.

Për humbjen e jetës së të riut, Berisha ka bërë thirrje që të rinjtë të ngrihen në protesta masive.

“Kriminelë me uniformë i morën jetën të riut Lear Kurti. Kjo është një vrasje shtetërore e shëmtuar, e banditëve të Edi Ramës dhe ministrit të tij të familjes, Çuçi.

Me këtë rast, unë i shpreh ngushëllimet më të ndjera familjes së të riut Lear Kurti.

Por shpreh revoltën time më të fuqishme ndaj këtij akti kriminal të përsëritur të vrasësve me uniformë, për të cilët nuk ekziston asnjë lloj norme, ligji apo morali.

Ky është akti i disatë që vrasës me uniformë u marrin jetën të rinjve në rrugë, në makinat e policisë apo komisariat.

Ky akt i shëmtuar është një dëshmi tjetër se Shqipëria qeveriset nga një bandë e udhëhequr nga Rama dhe miku i familjes, Çuçi.

Me këtë rast, u bëj thirrje të gjithë të rinjve të ngrihen fuqishëm në një protestë të madhe, të protestojnë kundër kësaj vrasjeje mizore, kundër kësaj vrasjeje me torturë, e kanë vdekur në makinën e policisë. E kanë çuar të vdekur në spital. Nuk kanë kryer as gjërat më minimale dhe siç e patë ju, parlamenti i tyre refuzoi të mbajë një minutë heshtje. Qëndroi në anën e vrasësve, jo të viktimës.

Edhe ky është një akt i shëmtuar. Nuk ka se si, nuk janë rastësi këto përsëritje periodike.

Policia është e mbushur me vrasës dhe trafikantë, është e mbushur me patronazhistë kriminelë. Ndaj ndodhin këto.

Po të marrësh vrasjet nga policia në harkun 18-mujor, janë më të shumta se në SHBA dhe Europë të marra së bashku.

Ndaj, këtu mbetet vetëm protesta dhe përballja me këta hajdutë për shpëtimin e jetës”, është shprehur Berisha./CNA.al





Lajmet e fundit nga