web counter
LEXO PA REKLAMA!

SHKARKO APP

App Store
Google Play

E fundit!

x

‘Na mbaroi benzina në mes të oqeanit”/ Shqiptari tregon peripecitë, si iku ilegalisht në Angli

19 Tetor 2022, 22:21, Aktualitet CNA
‘Na mbaroi benzina në mes të oqeanit”/ Shqiptari tregon
Foto ilustruese

Një i ri shqiptar që punon në një “shtëpi bari”, ka treguar se si mbërriti në tokën angleze.

I riu, identiteti i të cilit nuk është bërë publik, rrëfen se u mashtrua nga videot që hidheshin në “TikTok” dhe u lidh me disa shqiptarë për transportin kundrejt parave.

“Jemi mashtruar më shumë me videot që hidheshin në 'TikTok'. Jemi lidhur me disa shqiptarë që s’i kemi parë ndonjëherë, thjesht transport lekësh. Ia kemi çuar me transhetë bankare dhe kemi arritur të vijmë në Angli.

Pesë mijë euro… I mora borxh… shpresoj që do t’i laj borxhet, ende nuk i kam larë. Por është një punë shumë e rrezikshme sepse nuk rrezikojmë vetëm nga policia, por po rrezikojmë jetën tonë edhe nga grupe të tjera që është më e rrezikshme se policia”, u shpreh ai.

Më tej, shqiptari ka treguar vështirësitë që kanë kaluar, që nga ngecja në mes të oqeanit për shkak të mungesës së benzinës, deri te fjetja në mal.

“Ardhja ime ka qenë në fillime, kur kanë funksionuar gomonet. Kam ardhur pa e ditur se në çfarë mënyre do të vij. Jemi torturuar, kemi ndenjur gati rreth 7 ditë në mal, pa ushqim, vetëm me biskota duke u ushqyer. Kemi pasur lidhje me persona që as nuk kuptoheshim kur na flisnin, as nuk dinim gjë kur do të niseshim. Na kanë shpuar 3 gomone. Me të katërtën për fat të mirë kemi ardhur në Angli. 11 orë kemi ndenjur në det. Na mbaroi benzina, në orën 11 të natës kemi qenë në mes të oqeanit. Gratë ishin sëmurë, fëmijët ishin të sëmurë. Ishte një situatë shumë e vështirë. Erdhi anija angleze dhe na mori.

E kemi bërë më gomone. Jemi nis nga Franca drejtë Anglisë me gomone. Kemi ndenjur rreth 15 ditë rrugëve, 10 ditë ndenjëm në Francë në kamp, mal, shina treni… Një herë pas 2 orësh lundrim na u prish gomonia, na u prish motori. Aty ndenjëm gati gjysmë ore derisa e rregulluam dhe vazhduam rrugën. Kur hyrë me ujërat angleze, u prish moti dhe u acarua deti… filluan shumë dallgë dhe u thyen dërrasat më mes. Uji u fut brenda dhe ishim në rrezik mbytje.

Kam ardhur ilegalisht me varkë. Ka qenë shumë e vështirë pasi udhëtimi ka zgjatur gati 40 orë. Kur jemi nisur me thënë të drejtën, na kanë gënjyer. Na thanë për 7 orë dhe kur kemi dalë në det të hapur e kemi kuptuar që pas 40 orësh do të ishim në Angli. Për një moment menduam vetëm që të vinte shteti të na shpëtonte, pasi deti ishte shumë i keq dhe rrezikohet edhe jeta aty.”, tregoi i riu.

Gjithashtu, shqiptari rrëfen se ata nuk kanë një person që i drejton.

"Trafikantët nuk qëndrojnë në gomone. Drejtimi i saj i besohet një prej personave që kërkon të emigrojë në Angli. Në ditët e kthjellëta, nga toka franceze mund të dallosh tokën angleze, dhe ajo është pikë orientimi se në cilin drejtim duhet mbajtur timoni. Të tjerëve në gomone u jepet numri i rojës bregdetare angleze që në shumicën e rasteve, janë engjëlli mbrojtës i atyre që rrezikojnë mbytjen në det… dhe nga deti i shoqërojnë në tokë, aty ku më pas nis kalvari tjetër i vuajtjeve", nënvizoi ai./ B.A. – CNA.al





Lajmet e fundit nga