web counter
LEXO PA REKLAMA!

SHKARKO APP

App Store
Google Play

Replikat e Ramës me Kovaçin/ Meta bën avokatin e pedagogut

19 Tetor 2022, 18:21, Aktualitet CNA
Replikat e Ramës me Kovaçin/ Meta bën avokatin e pedagogut
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka bërë avokatin e kreut të sindikatës së pedagogëve, Sandër Kovaçit, pas replikave me kryeministrin Edi Rama, i cili e quajti atë një “shiks të maskuar si sindikalist”.

Përmes një statusi në rrjetet sociale, Meta shkruan se, duhet shprehur solidaritet dhe mbështetje për të gjithë pedagogët në protestë deri në plotësimin e kërkesave të tyre.

“Zëri i pedagogëve duhet dëgjuar me shumë përulësi. Kërkesat e tyre për paga dinjitoze sa të kolegëve në Kosovë janë të drejta dhe plotësisht të realizueshme. Arroganca dhe shurdhëria e Qeverisë është e papranueshme.

Dëgjoni krahasimin e sjellë me dhembje nga Prof.Asc.Dr. i Shkencave të Matematikës i specializuar në Universitetet më të mira të botës, ish-Ambasadorin e shkëlqyer të Shqipërisë në Slloveni, Sandër Kovaçi për të kuptuar revoltën e pedagogëve në mbarë vendin.

Solidaritet dhe mbështetje për të dhe të gjithë pedagogët në protestë deri në plotësimin e kërkesave!

Mjaft denigrimit neokomunist të individëve për të mbuluar faktet që ulërasin fort për gjendjen e mjeruar të universiteteve!”, shkruan Meta në psotimin e tij në rrjetet sociale./ CNA.al





Lajmet e fundit nga