web counter
LEXO PA REKLAMA!

SHKARKO APP

App Store
Google Play

E fundit!

x

Veliaj jep lajmin/ Abonetë e urbaneve, falas për studentët

19 Tetor 2022, 18:20, Aktualitet CNA
Veliaj jep lajmin/ Abonetë e urbaneve, falas për studentët
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, ka dhënë pak më parë lajmin se abonetë për studentët do të jenë falas.

Këtë deklaratë ai e bëri gjatë mbledhjes së Këshillit Bashkiak të Tiranës, ku tha se kompensimi i biletës së abonesë së përgjithshme për studentët do të vlejë për të gjitha linjat urbane për periudhën tetor 2022 – qershor 2023.

Veliaj theksoi se për ta marrë abonenë falas, studentët duhet të paraqiten në pikat ku jepen këto abone me kartën e studentit.

“Për të gjithë studentët që kanë kartë studenti, mjafton paraqitja e kartës së studentit në pikat ku japim abonetë falas. Ne duam që ata ta marrin fizikisht abonenë me kartën e studentit, që kompanitë e transportit të mos i bien me top sepse nuk janë lekët tona, ndaj duhet t’i japim me transparencë, që të sigurohemi që çdo student që e përdor abonenë të subvencionohet, duke ia çuar ne pagesën kompanisë dhe jo studenti.

Do kërkojmë që studentët ta marrin kartën e studentit, e cila jepet falas, në të gjitha fakultetet tona, pastaj me kartën e studentit të marrin abonenë. Ne numërojmë të gjitha abonetë e dhëna dhe në fund të çdo muaji, bashkia do të bëjë rimbursimet tek kompanitë, që studentët ta kenë transportin falas”, theksoi kryebashkiaku i Tiranës./ B.A. – CNA.al





Lajmet e fundit nga