web counter
LEXO PA REKLAMA!

SHKARKO APP

App Store
Google Play

Gazetari zbulon numrin/ Sa "shtëpi bari" ka në Shqipëri

19 Tetor 2022, 20:46, Aktualitet CNA
Gazetari zbulon numrin/ Sa "shtëpi bari" ka në Shqipëri
Gazetari Eni Ferhati

Gazetari Eni Ferhati ka zbuluar numrin e “shtëpive të barit” që ndodhen në territorin e Shqipërisë, që sipas tij janë rritur në vitin e fundit.

Duke iu referuar statistikave zyrtare të policisë, Ferhati tha se aktualisht në vendin tonë janë mbi 30 “shtëpi bari”.

Ai deklaroi në emisionin “Debat” se gjatë vitit të fundit “shtëpitë e barit” janë shtuar, pasi janë krijuar nga persona të depërtuar nga Britania e Madhe.

Gazetari pretendon se policia e ka të vështirë të arrijë tek financuesit e këtyre ambienteve ku kultivohet kanabis, por kapin vetëm kujdestarët e tyre, që dalin nga banesa vetëm njëherë në javë.

“Shtëpitë e barit në Shqipëri janë rritur gjatë vitit të fundit. Janë mbi 30 shtëpi bari apo ambiente të tjera të kultivimit të kësaj bime narkotike në ambiente të mbyllura. Janë edhe të depërtuar që e kanë vijuar aktivitetin e tyre në Shqipëri duke huazuar këtë lloj mënyrë. Kanë qenë të detyruar të investojnë në ambiente të mbyllura, pas aksionit të Lazaratit dhe trafikantët kanë investuar në këto shtëpi bari. Ata që kryejnë aktivitetin kriminal në Britani nuk janë të ekspozuar.

Shumë pak arrihet tek financuesit e këtyre shtëpive të barit apo grosistët e mëdhenj, por në pranga përfundojnë këta punonjës, që mesa di unë vetëm të dielën dalin nga banesa, ndërkohë që gjatë javës i përkushtohen 24 orë në 24 rritjes së bimëve. Statistika është zyrtare nga përllogaritja e thjeshtë e rasteve që ka bërë zyrtare policia gjatë këtij viti, po ta krahasojmë me vitet e kaluara jemi mbi dyfish. Kanë qenë të shpërndara në Tiranë, kanë qenë apartamente të modifikuara, në Astir, në Shkodër dhe vende të tjera. Shfrytëzohen edhe ambiente të braktisura, tunele të ushtrisë ka pasur raste, kryesisht të veçuara nga zonat e banuara”, theksoi Ferhati./ B.A. – CNA.al





Lajmet e fundit nga