web counter
LEXO PA REKLAMA!

SHKARKO APP

App Store
Google Play

E fundit!

x

“Marrëveshja mes Kosovës dhe Serbisë çështje javësh”/ Escobar: Mbështesim propozimin franko-gjerman

19 Tetor 2022, 21:30, Aktualitet CNA
“Marrëveshja mes Kosovës dhe Serbisë çështje
I dërguari i Posaçëm i ShBA-ve për Ballkanin Perëndimor, Gabriel Escobar

I dërguari i Posaçëm i ShBA-ve për Ballkanin Perëndimor, Gabriel Escobar, gjatë një interviste për mediat kosovare, ka deklaruar se marrëveshja finale mes Kosovës e Serbisë, është çështje javësh.

“Unë i kam dëgjuar kolegët e mi evropianë të flasin se kjo është çështje javësh dhe jo vitesh. Për një marrëveshje, për rrugën përpara. Prandaj, përtej kësaj u përket të dyja palëve dhe ndërmjetësuesit që të vendosin afate kohore, por duhet të jetë e shpejtë. Duke marrë parasysh kontekstin e asaj që po ndodhë, secili duhet të marrë përgjegjësi për të krijuar stabilitet, jo vetëm në Evropë, por edhe në rajon”, ka thënë Escobar në Kanal10.

Ndër të tjera, i Dërguari i Posaçëm i SHBA-ve në Ballkanin Perëndimor, Gabriel Escobar, nënvizoi se SHBA mbështesin propozimin franko-gjerman .

“Ne do ta mbështesim këtë. Ne mendojmë, se sikurse na është shpjeguar, ky propozim do të nënkuptonte angazhim dhe integrim më të afërt të Kosovës, dhe potencialisht Serbisë, në integrimet euro-atlantike…Po, e mbështesim plotësisht. Dhe, më duhet të shtoj se ne gjithmonë e kemi përkrahur njohjen e Kosovës si shtet i pavarur dhe sovran dhe ne do ta mirëprisnim në OKB dhe në të gjitha strukturat tjera evropiane”, ka deklaruar ai./ CNA.al





Lajmet e fundit nga