web counter
LEXO PA REKLAMA!

SHKARKO APP

App Store
Google Play

"Koha kur gjyqtarët bliheshin e kërcënoheshin mbaroi"/ Yuri Kim: Mos bëni më telefonata e dhurata!

20 Tetor 2022, 10:44, Aktualitet CNA

"Koha kur gjyqtarët bliheshin e kërcënoheshin mbaroi"/

Ambasadorja amerikane, Yuri Kim, gjatë fjalës së saj në konferencën ndërkombëtare, në kuadër të 30-vjetorit të Gjykatës Kushtetuese, u shpreh se Reforma në Drejtësi po jep rezultate dhe se koha kur gjyqtarët kërcënoheshin dhe bliheshin ka marrë fund. 

“Gjykata ka kaluar ndryshime thelbësore që në fillimin e saj dhe ju jeni përkushtuar për një ndryshim. Reformat të cilat ndodhën në 2016-ën ishin shumë të vështira, por të domosdoshme dhe falë këtyre ndryshime GJK është e aftë të bëjë punën e saj. SHBA-ja është krenare që kemi mbështetur gjykatën në këto momente të vështira, që nga Vettingu te triumfi i përzgjedhjes së gjyqtarëve dhe mirëpres ditën kur gjykata të ketë çdo vakancë të saj me gjyqtarë të kualifikuar. Reforma në Drejtësi po jep rezultate reale, po bën përpara, ata që e kundërshtojnë këtë përparim, ata që do të donin të mos kishin rezultate janë duke dyshifuar përpjekjet e tyre, do donin ta tërhiqnin Shqipërinë pas në të shkuarën, në një kohë kur gjyqtarët bliheshin dhe kërcënoheshin. Unë ju them ndaloni, koha për të bërë telefonata për të dërguar emisar, dhurata e kërcënime, duke kërcënuar për të ekspozuar sekrete të errëta nga e shkuara, formojnë bazat për një tjetër sekret të errët, kjo kohë ka përfunduar”, tha Yuri Kim./CNA.al





Lajmet e fundit nga