web counter
LEXO PA REKLAMA!

SHKARKO APP

App Store
Google Play

Akuzat e Shehajt/ Reagon Ministria e Brendshme: Aktiviteti në një ndërtesë me kate pa leje

20 Tetor 2022, 21:21, Aktualitet CNA
Akuzat e Shehajt/ Reagon Ministria e Brendshme: Aktiviteti në një
Ministria e Brendshme, foto ilustruese

Ministria e Brendshme ka reaguar ndaj akuzave të deputetit Agron Shehaj.

Ministria thekson se fotoja që publikoi deputeti Shehaj është dëshmi e saktë, e punonjësve të Policisë së Shtetit dhe IKMT në krye të detyrës, për bllokimin e një ndërtese subjekt i ligjit për penalizimin e ndërtimeve pa leje me qëllim fitimi.

Sipas Ministrisë së Brendshme, se aktiviteti i Shehajt është në një ndërtesë me mbi 55% shtesë kati, ose thënë ndryshe 560 m2 pa leje, ku kompania e deputetit Shehaj ka vendosur aktivitetin.

“Me një sqarim të detyruar, por jo të dëshiruar, Ministria e Brendshme u përgjigjet akuzave të deputetit Agron Shehaj, që vijnë nga salla ku presupozohet se ai ka shkuar për të diskutuar e marrë vendime të rëndësishme për ata që e kanë votuar. Ai sot është përpjekur të sulmojë institucionet ligjzbatuese dhe të ‘mbrojë’, paligjshmërinë e tij.

Fotoja që publikoi deputeti Shehaj është dëshmi e saktë, e punonjësve të Policisë së Shtetit dhe IKMT në krye të detyrës, për bllokimin e një ndërtese subjekt i ligjit për penalizimin e ndërtimeve pa leje me qëllim fitimi.

Eshtë pikërisht ky objekt me mbi 55% shtesë kati, ose thënë ndryshe 560 m2 pa leje, ku kompania e deputetit Shehaj ka vendosur aktivitetin.

E megjithë paligjshmërinë në flagrancë, nga shkelësi artikulohet me lehtësinë më të madhe, akuza për mbyllje biznesi të ndershëm”, thuhet në reagimin e Ministrisë së Brendshme./ CNA.al





Lajmet e fundit nga