LEXO PA REKLAMA!

SHKARKO APP

Iu gjetën 500 mijë euro të fshehura në autobus/ Çfarë deklaroi shoferi në polici

21 Tetor 2022, 18:33, Aktualitet CNA
Iu gjetën 500 mijë euro të fshehura në autobus/
Paratë e sekuestruara

E. Çela është shoferi i autobusit në të cilën policia dhe Dogana e Durrësit gjetën të fshehura rreth 500 mijë euro.

Policia ka bërë shoqërimin e tij, por mësohet se Çela nuk ka dhënë asnjë sqarim.

Teksa i është kërkuar dëshmia, shoferi ka kërkuar avokatin mbrojtës dhe ka deklaruar se vetëm në prani të tij do të flasë.

“Kërkoj avokatin tim mbrojtës. Vetëm në prani të tij do të flas për policinë”, është shprehur ai.

Ndërkohë, kujtojmë se paratë ishin fshehur në pjesën e sipërme të autobusit me 6 qese plastmasi, brenda të cilave kishte disa pako.

Aktualisht janë shoqëruar disa persona dhe po vijon puna për numërimin e saktë të sasisë së eurove dhe për identifikimin e kapjen e personave të përfshirë./ B.A. – CNA.al

Lajmet e fundit nga