LEXO PA REKLAMA!

SHKARKO APP

Ambasadorja Yuri Kim në mbrojtje të gjyqtares anti-korrupsion/ Po shantazhohet dhe përndiqet para një vendimi

21 Tetor 2022, 21:19, Aktualitet CNA
Ambasadorja Yuri Kim në mbrojtje të gjyqtares anti-korrupsion/ Po
Ambasadorja amerikane në Tiranë, Yuri Kim

Prej disa ditësh, ambasadorja amerikane në Tiranë, Yuri Kim ka treguar mbështetjen e fortë të SHBA-ve për gjyqtarët që përballen me korrupsionin në nivele të larta dhe krimin e organizuar.

Kim ka mbajtur takime me gjyqtarët e shkallës së parë antikorrupsion dhe ata të gjykatës së Apelit të Posaçëm. Dje diplomatja e SHBA-ve tha se: “Ne do të qëndrojmë krah jush, do të vazhdojmë të luftojmë bashkë me ju”.

Por "Top Channel" pretendon se këto mesazhe të ambasadores amerikane vijnë për shkak të shantazhit ndaj njerëzve të drejtësisë dhe më konkretisht ndaj një gjyqtareje së Gjykatës së Posaçme.

Sipas këtij televizioni, një gjyqtare është kërcënuar, shantazhuar dhe përndjekur në mënyrë që të mos jepte drejtësi. Gjithashtu, kërcënime ka pasur edhe për familjarët e saj, por kjo nuk e ka ndaluar gjyqtaren të shprehet me vendim.

Ajo dhe familjarët e saj janë marrë nën mbrojtje dhe kjo mesa duket ka bërë që Kim të dalë me mesazhe publike pa folur me emra.

Ende nuk raportohet se cila është gjyqtarja e shantazhuar, ndërsa edhe më parë është deklaruar në publik për kërcënime në radhët e drejtësisë për shkak të çështjeve që kanë në duar./ B.A. – CNA.al

Lajmet e fundit nga