web counter
LEXO PA REKLAMA!

SHKARKO APP

App Store
Google Play

E fundit!

x

Ku e ka Basha kallëzimin për Gazment Bardhin?

24 Nëntor 2023, 18:28, Aktualitet CNA
Ku e ka Basha kallëzimin për Gazment Bardhin?
Lulzim Basha

Në seancën plenare të Kuvendit në datën 5 tetor, Gazment Bardhi duke folur nga podiumi akuzoi Lulzim Bashën se kishte përfituar disa mijëra metër katrorë në një pronë nga më të shtrenjtat në kryeqytet në një kullat që ndodhet pranë fakultetit të Filologji-Historisë dhe atij Ekonomik.

Pas akuzave të Bardhit drejtuar Lul Bashës për familjarët e tij, Lulzim Basha u ngrit dhe me ashpërsi tha se do të kallëzonte Bardhin për shpifje, se kjo ishte e pavërtetë, ishte një gënjeshtër e të tjera si këto.

Sot jemi pas më shumë se një muaji, pas këtij debati dhe ende nuk ka një kallëzim.

Një kallëzim i tillë është mjaft i thjeshtë për tu përgatitur nga një avokat. Nuk do as 2-3 orë punë pasi mjafton video e marrë nga Kuvendi ose nga një media, çohet si provë në Gjykatë dhe kërkohet që Gaz Bardhi të provojë shpifjet apo fyerjen e bërë ndaj Lulzim Bashës.

Në fakt CNA e kish publikuar më parë e ripublikoi dhe solli detaje mbi pasurimin e shpejtë të Erion Isufit. Çuditërisht e gjitha e ndodhur pasi Lulzim Basha bëhet kryetar i PD-së.

Pra, në momentin kur Luli është në opozitë, në momentin kur Shqipëria ka inflacion, në momentin ku shqiptarët po ikin, në momentin kur bizneset nuk zhvillohen, në momentin kur bizneset falimentojnë sipas Bashës, kunati i tij bën kërdinë.

Ndërkohë fiton pasuri, vila e kështu me radhë. Në fakt, Lulzim Basha është kapur mat dhe më parë me apartamentin e tij tek Kodrat e Liqenit. Ai tha se nuk kishte marrë vila dhe po rikonstruktonte apartamentin për shkak të tërmetit të 2019.

CNA provoi me fakte dhe dokumente se Lulzim Basha nuk kishte raportuar dëme për apartamentin.

Mund të bënte ndonjë rregullim për ta dhënë me qira apo për ta përdorur për interesa të tjera, por në fakt u provua më pas me video, foto, dokumente se Lulzim Basha kishte marrë dy vila në një nga zonat më luksoze në një nga rezidencat më të shtrenjta të kryeqytetit.

Sot ende nuk kemi parë kallëzimin e Lulzim Bashës për Gazment Bardhin.

Pra deri tani Luli sërish ka gënjyer ashtu siç gënjeu kur tha se, nuk kishte vilë në Lalëz, ashtu siç gënjeu se nuk kishte vila në zonat rezidenciale dhe ashtu siç gënjeu për pasuritë e shtuara pa ndalim për familjarët dhe të afërmit e tij.

Luli ende nuk ka treguar kallëzimin e bërë ndaj Gazment Bardhit, kjo për një arsye shumë të thjeshtë.

Në rast se do të shkontë në gjykatë, gjykata do t’i kërkonte zyrës së regjistrimit të pasurive dokumentet, certifikatat e pronësisë në lidhje me këto prona dhe gjithçka do të ishte konfirmuar ashtu sikundër është zbuluar nga CNA nëpërmjet kontratave të ndryshme dhe përfitimeve që ka pasur bashkëshortja dhe kunati i Lulzim Bashës në pasuri të paluajtshme dhe investime që janë shtuar çmendurisht gjatë kohës që Luli drejtonte Partinë Demokratike./ CNA





Lajmet e fundit nga