web counter
LEXO PA REKLAMA!

SHKARKO APP

E fundit!

x

GJKKO rrëzon kërkesën e Malltezit/ Lihet në fuqi vendimi për sekuestrimin e pasurive

24 Nëntor 2023, 13:07, Aktualitet CNA
GJKKO rrëzon kërkesën e Malltezit/ Lihet në fuqi vendimi
Jamarbër Malltezi

Gjykata e Posaçme e Apelit ka rrëzuar kërkesën e Jamarbër Malltezit për heqjen e sekuestros të 25 pasurive të tij. 

Gjyqtarja Ilirjana Olldashi ka lënë në fuqi vendimin e mëparshëm për sekuestron preventive të pasurive.

Në këtë mënyrë, gjyqtarja që liroi Malltezin nga masa e arrestit me burg, nuk ka ndryshuar vendimin e një shkalle më poshtë për pasuritë e tij.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 24.11.2023, shpalli vendimin mbi çështjen penale nr. 168 akti, datë 13.11.2023 regjistrimi, regjistruar mbi ankimin e ankuesit/personit nën hetim J.M. dhe palës së interesuar A.M., me objekt: “Ankim ndaj vendimit nr. 410, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar mbi vendosjen e sekuestros preventive mbi sendet, dhe vendosi: Miratimin e vendimit nr. 410, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar”, thuhet në njoftim./CNA

 

 

 

 

 





Lajmet e fundit nga