web counter
LEXO PA REKLAMA!

SHKARKO APP

App Store
Google Play

E fundit!

x

Doli në përgjimet e SKY/ GJKKO lë në fuqi masën për oficeren Babameto

24 Nëntor 2023, 17:30, Aktualitet CNA
Doli në përgjimet e SKY/ GJKKO lë në fuqi masën
Dedan Gjoni, Jonida Babameto

GJKKO ka lënë në fuqi masën detyrim me paraqitje për oficeren pranë Drejtorisë Kufitare Jonida Babameto, emri i së cilës doli në përgjimet e aplikacionit SKY.

Sipas të dhënave të publikuara së fundi, dyshohet se Babameto ka ndarë të dhëna se cilat janë emrat në kërkim dhe jo me shefin e krimeve Dedan Gjoni.

“Verifikimin e kushteve të zbatimit të masës së sigurimit personal me karakter shtrëngues “Ndalimi i daljes jashtë shtetit” dhe “Detyrimi për t’u paraqitur në policinë gjyqësore”, parashikuar nga neni 233 dhe 234 i K.Pr.Penale të dhënë ndaj personit nën hetim J.B. me vendimin Nr.124, datë 17.11.2023 të Gjykatës së Posaçme të Shkallës së Parë për Korrupsionin dhe Krimin e Organizuar dhe vazhdimin e zbatimit të këtyre masave. Urdhërohet personi nën hetim J.B. të mos largohet nga territori i Republikës së Shqipërisë pa autorizimin e gjykatës. Ndalohet përdorimi i pasaportës dhe dokumenteve të tjerë identifikues të vlefshme për daljen jashtë shtetit për personi nën hetim J. B. Urdhërohet personi nën hetim J.B. të paraqitet në policinë gjyqësore pranë prokurorisë, të enjten e fundit të çdo muaji, ora 13.00. Urdhërohet Prokuroria e Posaçme kundër Korrupsionit dhe Krimit të Organizuar dhe Policia Gjyqësore për ndjekjen edhe zbatimin e këtij vendimi. Kundër këtij vendimi lejohet ankim në Gjykatën e Posaçme të Apelit për Korrupsionin dhe Krimin e Organizuar brenda 5 ditëve, duke filluar ky afat nga e nesërmja e komunikimit të vendimit”, thuhet në njoftimin e GJKKO./ CNA





Lajmet e fundit nga