web counter
LEXO PA REKLAMA!

SHKARKO APP

App Store
Google Play

E fundit!

x

Arratiset i dënuari për vrasje në Durrës, pezullohen nga detyra 4 efektivë të komisariatit Manzë

24 Nëntor 2023, 13:24, Aktualitet CNA
Arratiset i dënuari për vrasje në Durrës, pezullohen nga
Foto ilustruese

Pezullohen nga detyra tre oficerë të Patrullës së Përgjithshme të Komisariatit të Policisë në Manzë, B.V., K. D. dhe O. Sh dhe inspektori S.K. 

Katër punonjësit janë pezulluar nga detyra pasi kanë qenë me shërbim, kur është larguar nga banesa e tij në fshatin Gjuricaj, shtetasi A. K për të cilin gjykata ka vendosur masën “arrest në shtëpi”, për veprën penale “Vrasja me dashje”.

Njoftimi i Policisë:

Drejtoria e Standardeve Profesionale e Policisë së Shtetit ka pezulluar nga detyra, për shkelje të pikës 5 të nenit 209 të rregullores së Policisë së Shtetit, punonjësit e Policisë:

-Inspektorë B. V., K. D. dhe O. Sh., të tre oficerë të Patrullës së Përgjithshme të Komisariatit të Policisë Durrës;
-Inspektor S. K., trupë shërbimi në Stacionin e Policisë Manzë.

4 punonjësit e Policisë janë pezulluar nga detyrat, pasi kanë qenë me shërbim, kur është larguar nga banesa e tij në fshatin Gjuricaj, shtetasi A. K., për të cilin Gjykata e Apelit, Tiranë, ka caktuar masën e sigurisë “Arrest në shtëpi”, për veprën penale “Vrasja me dashje”.

Ndërkohë, AMP-ja ka iniciuar hetim penal për këtë rast dhe në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, vijon puna për zbardhjen e rrethanave dhe përcaktimin ligjor të përgjegjësive./CNA





Lajmet e fundit nga