web counter
LEXO PA REKLAMA!

SHKARKO APP

App Store
Google Play

E fundit!

x

Kisha katolike, kërkesë krerëve të shtetit/ “Ndaloni me ligj glorifikimin e regjimit komunist”

24 Nëntor 2023, 15:22, Aktualitet CNA

Kisha katolike, kërkesë krerëve të shtetit/ “Ndaloni

Kisha katolike i ka bërë një kërkesë Presidentit të Republikës, Kryeparlamentares dhe kryeministrit Edi Rama që të miratojnë një ligj që të dënojnë dhe ndalojnë glorifikimin e regjimit komunist.

Kisha katolike u drejtohet krerëve të shtetit që të ndiqet shembulli i Italisë dhe Gjermanisë të cilat kanë ligje për të ndëshkuar ashpër fashizmin dhe nazizmin.

“Të gjitha këto aspekte pjesore apo raste në të cilat tentohet të bëhet njëfarë apologjia, do të thotë njëfarë mbrojtje ose njëfarë glorifikimi e lavdërimi i sistemit komunist, që ishte një prej sistemeve më gjenocidiale në Evropën Lindore duhet të ndalohet me ligj”, tha Dom Mark Pashkja.

Kisha katolike kërkon që në librat e historisë të shkruhet e vërteta në lidhje me diktaturën komuniste, kërkon shpalljen muze të burgjeve dhe vendeve ku janë torturuar shqiptarët, një dëmshpërblim të drejtë për ish-të përndjekurit politikë, si dhe rishikimin e ligjit për dekoratat që të shmanget vlerësimi i figurave të larta të diktaturës komuniste.

“Filozofikisht nuk ka dy të vërteta, ka një të vërtetë dhe e vërteta është që sistemi komunist, diktatura që kaloi Shqipëria ishte një nga më të tmerrshmet dhe la pasoja të padiskutueshme që i prekim edhe sot. Ne me këtë gjest dëshirojmë e tentojmë të jemi në njëfarë mënyre ndërgjegjja e papolitizuar e vendit tonë duke mos pasur asnjë interes tjetër atij dimensioni të së vërtetës që gjendet në AND e Kishës Katolike”, u shpreh Dom Mark Pashkja.

Kujtojmë se që nga viti 2017 Partia Demokratike ka folur për nevojën e një ligji që dënon me burg  ata që përdorin simbolet e komunizmit dhe vitin e kaluar e depozitoi një ligj të tillë në parlament, por ky ligj u harrua si dhjetëra nisma të tilla.

Në vitin 2015 klasa politike u përfshi nga një debat i fortë për shkak se drejtues të lartë të diktaturës komuniste, personazhe që kishin torturuar figura të njohura si, At Zef Pëllumbi përfituan nga dekoratat që u shpërndanë për 70-vjetorin e çlirimit të vendit./ CNA





Lajmet e fundit nga