web counter
LEXO PA REKLAMA!

SHKARKO APP

App Store
Google Play

E fundit!

x

Klodiana Lala: Inceneratori nuk ekziston, Mirel Mërtiri shijon jetën në Vjenë

4 Maj 2023, 19:30, Aktualitet CNA

Klodiana Lala: Inceneratori nuk ekziston, Mirel Mërtiri shijon jetën

CNA ka denoncuar dita-ditës me fakte dhe dokumenta aferën e inceneratorëve, e cila sa vjen e thellohet.

Gjithashtu CNA ka raportuar se Mirel Mërtiri, i cilësuar nga SPAK si “truri” i inceneratorëve, vijon të jetë i lirë dhe pse është shpallur në kërkim ndërkombëtar, së bashku me bashkëpunëtorët e tij.

Këtë fakt e ka vënë në dukje edhe gazetarja Klodiana Lala.

Nëpërmjet një postimi në rrjete sociale, ajo është shprehur se vrasja e biznesmenit Ardian Nikulaj është zbardhur menjëherë, ndërkohë që për aferën më të madhe të shekullit, atë të inceneratorëve nuk është arrestuar ende Mirel Mërtiri.

Gazetarja thekson se miliona lekë të shqiptarëve po grabiten për një incenerator që nuk ekziston dhe askush nuk po arreston ”trurin e inceneratorëve” dhe bashkëjetuesen e tij, Stela Gugallen, të cilët po shijojnë jetën në Vjenë.

“Kur Policia deshi e zbuloi me urgjencë vrasjen e Ardian Nikulaj. Për të arrestuar trurin e inceneratorëve Mirel Mertiri e partnerën e tij Stela Gugallja se vuri njeri ujin në zjarr. Milionat grabiten. Mireli i shijon në Vjenë. Inceneratori në Tirane nuk ekziston!”, shkruan ajo./CNA.al

 





Lajmet e fundit nga