web counter
LEXO PA REKLAMA!

SHKARKO APP

App Store
Google Play

Qeveria miraton ndryshime në Kodin e Procedurës Penale

4 Maj 2023, 16:45, Aktualitet CNA

Qeveria miraton ndryshime në Kodin e Procedurës Penale

Qeveria ka miratuar ndryshime në Kodin e Porcedurës Penale dhe i ka kaluar për miratim në Kuvend.

Sipas ndryshimeve, nuk do të lejohet kërkesa për gjykim të shkurtuar, e cila ul 1/3 e dënimit, për veprat penale ku viktima të veprës janë të miturit.

Gjithashtu, nuk do të lejohet kërkesa për gjykim të shkurtuar, e cila ul 1/3 e dënimit, për veprat penale kur bëhet fjalë për dhunë në familje.

Ndryshimet parashikojnë se dhunuesit në familje nuk do të marrin dot gjykim të shkurtuar, duke mos jua lehtësuar dënimin.

Njoftimi i plotë:

PROJEKTLIGJ PËR NJË SHTESË NË LIGJIN NR.7905, DATË 21.3.1995, “KODI PROCEDURËS PENALE I REPUBLIKËS SË SHQIPËRISË”, TË NDRYSHUAR

Në mbështetje të neneve 81, pikat 1 dhe 2, shkronja “d”, e 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

VENDOSI:

Neni 1

Në paragrafin e dytë, të nenit 403, të ligjit nr.7905, datë 21.3.1995, “Kodi Procedurës Penale i Republikës së Shqipërisë”, të ndryshuar, pas fjalëve “… me burgim të përjetshëm …” shtohen “…, krimet e kryera ndaj viktimave të mitur si dhe për veprën penale të parashikuar nga neni 130/a i Kodit Penal …”.

Neni 2

Ky ligj hyn në fuqi 15 ditë pas botimit në “Fletoren zyrtare”./ CNA.al





Lajmet e fundit nga