LEXO PA REKLAMA!

SHKARKO APP

E fundit!

x

Lajm i hidhur/ Është ndarë nga jeta ish-ministri dhe ish-kryetari i Komitetit Ekzekutiv të Tiranës

3 Maj 2023, 15:38, Aktualitet CNA

Lajm i hidhur/ Është ndarë nga jeta ish-ministri dhe ish-kryetari

Më datë 1 maj është ndarë nga jeta Llambi Gegprifti, ish-ministri dhe ish-kandidati i Byrosë Politike të PPSH-së.

Lajmin e ndarjes nga jeta e ka bërë të ditur në rrjete sociale vetë vajza e tij, Sonila Qato.

"Llambi Gegprifti! Lamtumirë babi ynë i shtrenjtë! Në këtë ditë të bukur fillim maji ti mbylle sytë përgjithnjë, duke na hidhëruar zemrën, për të qenë i pavdekshëm për ne vajzat e tua, mamin, niperit e mbesat. Na ke lënë pas pasurinë më të madhe, jetën tende të ndershme, emrin tënd që na ka bere gjithnjë të ndihemi krenare! Lamtumirë babi ynë i shtrenjtë”, shkruan ajo.

Varrimi është bërë ditën e djeshme në varrezat e Sharrës.

Llambi Gegprifti lindi më 14.2.1942 në fshatin Potgozhan të Pogradecit. Ai ka kryer studimet në Fakultetin e Gjeologji-Minierave.

Gegprifti ka qenë anëtar i PPSH më 1964. Kandidat i KQ të PPSH në Kongresin VI (1971) dhe anëtar i KQ të PPSH në Kongresin VII (1976).

Në vitin 1974 u ngarkua me detyrën e zëvendësministrit të Mbrojtjes Popullore, ndërsa në mars 1981 u emërua ministër i Industrisë dhe Minierave. Para rrëzimit të sistemit ishte kryetari i Komitetit Ekzekutiv të Tiranës./CNA.al

 

Lajmet e fundit nga