LEXO PA REKLAMA!

SHKARKO APP

Damian Gjiknuri paraqitet në SPAK

1 Mars 2024, 09:22, Aktualitet CNA
Damian Gjiknuri paraqitet në SPAK
Damian Gjiknuri

Ish-ministri i Infrastrukturës dhe Energjetikës, Damian Gjiknuri, është paraqitur ditën e sotme në SPAK.

Nuk dihet ende arsyeja e mbërritjes së tij në godinën e Prokurorisë së Posaçme.

Damian Gjiknuri paraqitet në SPAK
Gjiknuri në SPAK

Nuk është hera e parë që ai thirret në Prokurorinë e Posaçme. Në shkurt të vitit të kaluar, Gjiknuri u pyet nga SPAK në lidhje me një kallëzim të bërë prej tij në vitin 2017, kur mbante pozicionin e ministrit të Infrastrukturës dhe Energjisë.

“Në konstatimin e një nga abuzimet më të mëdha në historinë e rrugëve në Shqipëri, e cila ishte kontraktuar me 240 milionë euro dhe përfundoi me një kosto 400 milionë euro. Shpjegimet e mia i dhashë në prokurori dhe nuk kam gjë për të shtuar”, deklaroi Gjiknuri.

Kallëzimi i ish-ministrit Gjiknuri për abuzime në projektin e rrugës Tiranë-Elbasan erdhi pas shkeljeve të konstatuara nga një raport auditi i ministrisë që drejtonte.

Për abuzime me tenderimin e ndërtimit të këtij aksi rrugor në vitin 2018 ish-Prokuroria për Krimet e Rënda vendosi para përgjegjësisë penale ish-drejtuesin e ARRSH, Dashamir Xhika dhe dy vartësit e tij, Albens Alite dhe Aksel Duka./CNA 

 

Lajmet e fundit nga