web counter
LEXO PA REKLAMA!

SHKARKO APP

App Store
Google Play

E fundit!

x

Bashkëpunimi me homologët në rajon/ Dumani: Ja me cilin vend kemi hasur vështirësi

24 Nëntor 2025, 13:55, Aktualitet CNA

Bashkëpunimi me homologët në rajon/ Dumani: Ja me cilin vend kemi

Kryeprokurori i SPAK-ut, Altin Dumani, ka folur në Qendrën Europiane të Politikave për bashkëpunimin me institucionet homologe në rajon.

Dumani tha se me vendet e rajonit, SPAK-u ka pasur skuadra të përbashkëta hetimore, ndërsa veçoi si bashkëpunimin më të mirë atë me Kosovën, Maqedoninë e Veriut dhe Malin e Zi. Më tej, ai u shpreh se ka pasur disa vështirësi me Serbinë, por shtoi se bashkëpunimi është përmirësuar edhe falë ndërmjetësimit të Eurojust.

“Sa i përket bashkëpunimit me vendet e rajonit, ne si SPAK kemi një bashkëpunim shumë të mirë me Kosovën, Maqedoninë e Veriut, Malin e Zi dhe së fundmi edhe me Serbinë. Ky bashkëpunim është i ndërtuar ndër vite dhe është i përditshëm. Me vendet e rajonit ne kemi pasur skuadra të përbashkëta hetimore. Mund të përmend Kosovën, Maqedoninë e Veriut. Me këto dy shtete kemi pasur skuadër të përbashkët hetimore, hetime paralele, shkëmbim informacioni spontan në mënyrë të përhershme. Me Malin e Zi kemi bashkëpunim të shkëlqyer, për vetë faktin se në hetimet tona kemi vënë re se grupe kriminale shqiptare e përdorin Malin e Zi për qëllimet e tyre kriminale. Kemi pasur raste kur sasi kokaine vinin nga vendet e Amerikës Latine, shkarkoheshin në portin e Tivarit dhe pastaj transportoheshin në Shqipëri. Kemi pasur bashkëpunim konkret me autoritetet e Malit të Zi. Kemi përdorur metoda speciale, si dorëzimi i kontrolluar me qëllimin sekuestrimin e kokainës në Shqipëri. Do ta veçoja Malin e Zi sepse edhe shkëmbimi i informacioneve është më frekuent me Malin e Zi. Bashkëpunimi me Prokurorinë Speciale të Malit të Zi është në nivel shumë të mirë. Kemi pasur pak vështirësi me Serbinë, por falë edhe ndërmjetësimit të Eurojust kemi bashkëpunim të vendosur. Po punojmë bashkërisht pasi edhe në hetimet tona kemi vënë re raste të bashkëpunimit të krimit të organziuar shqiptar me atë serb”, tha Dumani. /CNA





Lajmet e fundit nga