web counter
LEXO PA REKLAMA!

SHKARKO APP

App Store
Google Play

E fundit!

x

Presionet politike dhe mediatike/ Dumani: BE, zë i fuqishëm në mbrojtjen e SPAK-ut

24 Nëntor 2025, 13:44, Aktualitet CNA

Presionet politike dhe mediatike/ Dumani: BE, zë i fuqishëm në

Kreu i Prokurorisë së Posaçme, Altin Dumani, ka folur në Qendrën Europiane të Politikave, lidhur me mbështetjen e ndërkombëtarëve për SPAK-un. Dumani tha se BE dhe SHBA e kanë mbështetur Prokurorinë e Posaçme përmes projekteve, programeve, por edhe nga pikëpamja teknike.

Ai theksoi se mbështetja më e rëndësishme ishin deklaratat publike të bëra nga përfaqësues të BE-së, në mbrojtje të SPAK-ut, duke e ruajtur nga presionet politike dhe mediatike. Kryeprokurori e mbylli fjalën e tij me një mesazh për BE-në, ku tha se duhet të vijojnë mbështetjen e tyre për SPAK-un dhe institucionet homologe në rajon.

“Patjetër që institucionet për të pasur vijimësi, kërkojnë një mbrojtje të mirë ligjore dhe kushtetuese. Aktualisht SPAK-u e ka të garantuar pasi Kushtetuta dhe korniza ligjore e garantojnë këtë pavarësi. Por ne e kemi pasur të nevojshme në punën tonë mbështetjen e BE-së dhe SHBA-së. Mbështetja ka qenë përmes projekteve dhe programeve. Ka qenë edhe nga pikëpamja teknike, duke na ndihmuar me mjete dhe pajisje. Por ndihma më e rëndësishme ka qenë marrja në mbrojtje e institucionit, deklaratat publike të bëra nga përfaqësues të BE-së, qoftë këtu në Bruksel apo në Shqipëri. Ka qenë një zë shumë i fuqishëm Bashkimi Europian në mbrojtje të SPAK-ut nga presionet politike apo mediatike. Ky është mesazhi që dua të përcjell, të vazhdojnë të mbështesin SPAK-u dhe institucionet e tjera homologe në rajon. Jam i sigurt se nëse nuk do të kishim mbështetjen e BE-së dhe SHBA-së në ato forma që përmenda, SPAK-u nuk do të ishte në këtë stad që është sot”, tha Dumani. /CNA





Lajmet e fundit nga