web counter
LEXO PA REKLAMA!

SHKARKO APP

App Store
Google Play

Komisionerja Kos: SPAK, një nga sukseset e jashtëzakonshme të Shqipërisë

23 Nëntor 2025, 22:30, Aktualitet CNA

Komisionerja Kos: SPAK, një nga sukseset e jashtëzakonshme të

Komisionerja e BE-së për Zgjerimin, Marta Kos ka folur në një intervistë lidhur me procesin e integrimit të Shqipërisë në Bashkimin Europian.

Kos tha se Shqipëria ka pasur arritje dhe suksese në dy vitet, ku ndër to përmendi Prokurorinë e Posaçme kundër Korrupsionit dhe Krimit të Organizuar. Ajo shtoi më tej se pjesa teknike e negociatave mund të përfundojë deri në fund të vitit 2027.

“Shqipëria ka arritur me të vërtetë sukses të jashtëzakonshëm në dy vitet e fundit dhe nëse do të doja të veçoja atë çka ishte shumë e suksesshme, është reforma e sistemit gjyqësor, ndërtimi i institucioneve të pavarura antikorrupsion si SPAK-u, dhe ajo që më pëlqen të shoh në Shqipëri është se kjo frymë pro-evropiane është vërtet shumë e lartë dhe kjo është gjë e mirë. Nuk është puna vetëm se çfarë po bën qeveria, nuk është puna vetëm çfarë po bën parlament, dhe kjo është ajo që ndiej dhe shoh sa herë që vij në Shqipëri. Pra, po, i kemi hapur gjithë grup-kapitujt, por kjo do të thotë që tani duhet t’i mbyllim gjithë kapitujt. Për t’u kthyer te pyetja juaj në lidhje me afatin, qeveria juaj ka vendosur një objektiv shumë ambicioz për ta përfunduar pjesën teknike të negociatave deri në fund të vitit 2027. Është e realizueshme, Komisioni Evropian po e mbështet këtë, por ka ende shumë punë për të bërë sepse, siç e dini, tani do të kalojmë te kapitujt teknikë si bujqësia, siguria ushqimore, ekologjia, dhe ka ende shumë e shumë reforma që vendi juaj duhet t’i bëjë në këto fusha, por sigurisht që ne do t’ju ndihmojmë”, tha komisionerja Kos. /CNA





Lajmet e fundit nga