web counter
LEXO PA REKLAMA!

SHKARKO APP

App Store
Google Play

Takimi në selinë e NATO-s/ Drejtoresha e SHISH, Hyseni përfaqëson Shqipërinë në diskutime strategjike të inteligjencës

23 Nëntor 2025, 19:33, Aktualitet CNA

Takimi në selinë e NATO-s/ Drejtoresha e SHISH, Hyseni

Shefi i NATO-s, Mark Rutte ka mbledhur në selinë e Aleancës, drejtuesit e shërbimeve të inteligjencës civile dhe ushtarake të vendeve aleate.

Në takimin, që u mbajt më 19 nëntor, dhe i cili vjen në një moment kritik për sigurinë euroatlantike, Shqipëria përfaqësohej nga Vlora Hyseni, drejtoresha e Shërbimit Informativ të Shtetit (SHISH).

Marrja pjesë në këtë takim, thekson angazhimin e Shqipërisë në bashkëpunimin për sigurinë me aleatët e NATO-s. Sipas informacioneve në takim, u zhvilluan diskutime strategjike për çështje kyçe të sigurisë, përfshirë agresionin rus në Ukrainë, marrëdhëniet e Moskës me Kinën, Korenë e Veriut, Bjellorusinë dhe Iranin, si dhe të ardhmen e inteligjencës së NATO-s, me fokus tek teknologjitë e reja.

Gjatë fjalës së tij në takim, Rutte u shpreh se lufta në Ukrainë tregon se siguria nuk është rajonale, por globale, ndërsa theksoi se aleatët po shkëmbejnë inteligjencë më shpejt dhe më gjerësisht se kurrë më parë.

Takimet vjetore shërbejnë për harmonizimin e politikave dhe strategjive të inteligjencës, duke forcuar mbështetjen për planet dhe operacionet e NATO-s. Përveç seancave vjetore në Bruksel, komitetet mblidhen rregullisht përgjatë vitit. /CNA





Lajmet e fundit nga