web counter
LEXO PA REKLAMA!

SHKARKO APP

App Store
Google Play

E fundit!

x

E Diela e IX e Llukait/ Mesazhi i Fortlumturisë së Tij, Joanit: Pasuria nuk është pronë private, është një dhuratë nga Zoti

23 Nëntor 2025, 11:06, Aktualitet CNA

E Diela e IX e Llukait/ Mesazhi i Fortlumturisë së Tij, Joanit:

Kryepiskopi i Tiranës, Durrësit dhe gjithë Shqipërisë ka drejtuar liturgjnë Hyjnore në Katedralen “Ngjallja e Krishtit” në Të Dielën e  IX të Llukait. Gjatë predikimit, Fortlumturia e Tij dha një sërë mesazhes të forta.

Kryepiskopi tha se jeta e njerëzve do të ketë gjithmonë shqetësime nëse nuk mendojnë për përjetësinë.

Më tej, Fortlumturia e Tij tha se shpeshherë pasuria sjell shqetësim të madh te të pasurit apo ngjall zili dhe urrejtje te të varfërit.

Kryepiskopi u shpreh se pasuria nuk është prnë private por një dhuratë nga Zoti.  Gjithçka që Perëndia na jep, tha Kryepiskopi, nuk është e jona, ne jemi kujdestarë të saj.

 

“Nëse ne nuk mendojmë për përjetësinë, jeta jonë do të ketë gjithmonë shqetësime. Ne mund t’i kuptojmë të varfërit ndoshta që nuk kanë bukë dhe mund të thonë si do t’ia bëj të gjej diçka për të ngrënë. Po i njëjti shqetësim vjen dhe nga ata që janë të pasur. Kanë shqetësimin e madh se çfarë do bëjnë me pasurinë. Shpeshherë ky shqetësim krijon ankth shumë të madh.

Pasuria ngjall dhe zili te të tjerët. Peshkopi i shenjtë, Shën Nikolau thotë këto fjalë: Ai që grumbullon pasuri shumë të mëdha dhe nuk i ndan me të tjerët, ai shqetëson veten e tij dhe do humbasë dhe veten e tij. jo vetëm veten e tij, por dhe ata që janë rrotull. Shumë njerëz që janë të varfër do e shohin me zili, do e mallkojnë atë. Shumë të tjerë që janë të uritur përsëri do e shajnë dhe do e mallkojnë.

Do humbasin shpirtin si i pasuri dhe i varfëri. Pasuria në kuptimin e krishterë nuk është pronë private, pasuria është një dhuratë nga Zoti. I Zotit është dheu dhe gjithçka ndodhet në të.

Gjithçka që Perëndia na jep nuk është e jona, ne duhet të jemi kujdestarët e saj”, tha Fortlumturia e Tij./CNA





Lajmet e fundit nga