E fundit!

07:45 Kosova & Bota

Trump kërcënon Iranin: Do të godasim urat dhe termocentralet nëse nuk riktheheni në negociata

Presidenti i SHBA-së, Donald Trump, ka paralajmëruar Irani...

Vermoshi pa energji elektrike/ Zonat malore në qarkun e Shkodrës mbulohen nga dëbora, nuk ka akse problematike

23 Nëntor 2025, 20:44, Aktualitet CNA

Vermoshi pa energji elektrike/ Zonat malore në qarkun e Shkodrës

Situata me motin e keq në bashkitë e qarkut të Shkodrës po shkon drejt përmirësimit.

Reshjet e shiut janë prezente vetëm në Bashkinë Fushë Arrëz me një intensitet mesatar, ndërsa në zonat malore vijojnë reshjet e dëborës.

Aktualisht nuk raportohet për akse rrugore të bllokuara.

Problematikat e raportuara në aksin Bogë e Qafë- Thore janë zgjidhur dhe rruga kalohet normalisht.

Në zonën e Vermoshit ka mungesë të pjesshme të energjisë elektrike.

1. Bashkia Shkodër

* Situata paraqitet e qetë dhe nuk raportohen probleme.

* Në zonat malore ka reshje të herëpashershme të dëborës, por pa problematika.

Akset rrugore me kalueshmeri optimale

2. Bashkia Malësi e Madhe

* Në të gjithë territorin e bashkie nuk raportohen probleme.

* Nuk ka reshje shiu apo reshje dëbore momentalisht sipas rapotimeve.

* Në zonën e Vermoshit ka mungesë të pjesshme të energjisë elektrike, ekipet e OSSHEE-së janë në terren dhe po punojnë për rikthimin e furnizimit.

* Gjatë ditës së sotme dhe në vijim është kërkuar vemendje e shtuar nga patrullat e policisë rrugorë për te mos lejuar drejtuesit e automjeteve të qarkullojnë pa goma dimërore ose zingjirë në varësi të situatës.

Per rreth 3 orë ka patur reshje te dendura dëbore në Bogë e Qafë- Thore, çka ka sjellë për një kohë të shkurtër bllokimin e qarkullimit të automjeteve në këtë segment.

Prej rreth 1 ore qarkullimi është rikthyer në normalitet.

Efektivët e policisë vazhdojnë monitorimin e elementeve të sigurisë së mjeteve në qarkullim në këtë zonë.

3. Bashkia Vau Dejës

* Situata në territorin e kësaj bashkie paraqitet e qetë, nuk raportohen problematika.

4. Bashkia Pukë

* Nuk raportohen problematika në territorin e kësaj bashkie deri në këto momente.

5. Bashkia Fushë-Arrëz

* Vijojnë reshjet e shiut me intensitet mesatar.

* Mbi lartësinë 930 metër reshjet janë në formë dëbore.

* Deri tani nuk raportohen probleme apo bllokime të rrugëve si pasojë e reshjeve./CNA