web counter
LEXO PA REKLAMA!

SHKARKO APP

App Store
Google Play

Ulet intensiteti i reshjeve të shiut/ Si paraqitet situata në Qarkun e Lezhës

24 Nëntor 2025, 11:30, Aktualitet CNA

Ulet intensiteti i reshjeve të shiut/ Si paraqitet situata në Qarkun e

Reshjet e shiut në territorin e Qarkut të Lezhës vijojnë me intensitet të ulët deri mesatar. Sipas të dhënave nga Stacioni Metereologjik Ushtarak Gjadër, sot deri në orën 06:00 kanë rënë 30 mm shi. Prefektura e Lezhës ka dalë me përditësime lidhur me situatën në të gjitha bashkitë e qarkut.

Në Bashkinë Kurbin vijon puna për devijimin e shtratit dhe përforcimin e argjinaturës së lumit Drojë, kjo në varësi të kohës dhe prurjeve të lumit. Grupet e punës gjithashtu janë në terren për vlerësimin e dëmeve, ndërsa bëhet me dije se OSHEE do të vazhdojë punën për riparimin e linjës së fshatit Skuraj.

Në Bashkinë Lezhë po punohet për përforcimin dhe ngritjen në lartësi të argjinaturës së dëmtuar, me mjetet e DRUK, bashkisë, Forcave të Armatosura dhe operatorëve privatë.

Gjithashtu vijon puna për vlerësimin e dëmeve dhe vijon shpërndarja e ndihmave, të ardhura nga RMSH dje dhe pjesa që do vijë sot (300 pako në total). Niveli i ujit në sipërfaqet bujqësore në zonat e njësive administrative Zejmen, Kolsh, Shënkollë ka shënuar ulje.

Ekipet e MZSH vijojnë me punën për largimin e ujit në bodrume/parkingjet e pallateve në Shëngjin e Lezhë, ndërsa OSHEE ka raportuar se furnizimi me energji është normal.

Në Bashkinë Mirditë po mbahen në monitorim dy banesat që rrezikohen nga rrëshqitja e tokës ndërsa mjetet bashkiake duke parë reshjet e shiut, do të ndërhyjnë ku është me emergjente. Aksi Rrëshen-Bukmirë vazhdon të monitorohet dhe të ndërhyhet, pasi ka segmente me rrezik shembje.

Bëhet gjithashtu me dije se grupet e punën po vijojnë me evidentimin dhe vlerësimin e dëmeve. Furnizimi me ujë vijon rregullisht, kurse me energji elektrike ka pasur ndërprerje herë pas here por është rikthyer.

Hidrovorët punojnë të gjithë me kapacitet të plotë. Niveli i lumit Drin ka pësuar rritje por është brenda kuotave jo problematike, po kështu dhe lumit Mat. /CNA





Lajmet e fundit nga