web counter
LEXO PA REKLAMA!

SHKARKO APP

App Store
Google Play

Po Ramës kush do t'ia kontrollojë rrogën?/ Kjo është makina super luksoze që lëviz kryeministri

21 Maj 2022, 19:41, Politikë CNA

Rrjedhja e pagave në fund të vitit të kaluar shkaktoi zhurmë të madhe në opinionin publik,  ndërsa nga opozita u denoncua si skandal i përmasave të jashtëzakonshme. Në atë kohë qeveria mbrohej duke thënë se dokumenti ishte ilegal.

Një databazë me të dhënat personale dhe sensitive të 637,183 qytetarëve u shpërnda në seri prej përmes aplikacionit ?Whatsapp?, duke shënuar rrjedhjen më të madhe të të dhënave zyrtare në Shqipëri.

Pas kësaj kryeministri Edi Rama deklaroi pak javë më parë se do të ngrinte Këshillin Kombëtar për të pyetur qytetarët nëse do të ishin dakord me publikimin e pagave një herë në vit.

Ndonëse kjo ide ?nuk është përqafuar? shumë nga shqiptarët, pritet të shihet nëse ky fakt do të bëhet ose jo i kryer.

Por pyetja që lind këtu është se kur do të bëhet publike rroga e kryeministrit Edi Rama? Prej disa kohësh, shefi i qeverisë ka në përdorim një makinë të tipit ?GMC Custom Luxury Vehicle? me të cilën lëviz.

Makina e Ramës e cila kushton përafërsisht 500 mijë dollarë, ka dy ndenjëse VIP me mbështetëse këmbësh, sediljet janë italiane, rimeso me dru arre origjinale. Tavani është i ndriçuar dhe është i gjithi me lekurë kastori.

Makina nga brenda duket si avion privat luksi. Kjo makinë shihet shumë në rrugët e Meksikës me të cilat lëvizin njerëzit e kartelit të drogës për komoditet dhe mbrojtje nga atentatet.

Por në një reagim të bërë më parë, zyra e komunikimit të Kryeministrisë tha se mjeti është marrë me qira, pasi ai që ishte në përdorim më përpara ka qenë i amortizuar.

Kryeministri Rama në reagimin e tij asnjëherë nuk ka folur për mjetin e tij superluksoz, por merret me hallexhinjtë dhe publikimin e pagave të tyre minimaliste apo të dhënave personale./CNA.al





Lajmet e fundit nga