E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Zgjedhjet për kryetar/ Demokratët, drejt kutive të votimit

22 Maj 2022, 07:27, Politikë CNA

Partia Demokratike po mban zgjedhjet për kryetar. Në garë janë ish-kryeministri Sali Berisha dhe ish-kreu i PD-së, Qarku Kukës, Ibsen Elezi.

Komisioni i Organizimit dhe Kontrollit të Operacioneve Elektorale njofton se janë hapur të 108-të qendrat e votimit në të gjitha degët e PD-së.

Procesi ka filluar e vijon normalisht.

Komisioni do të qëndrojë i mbledhur deri në fund të procesit të votimit, derisa të votojë edhe anëtari i fundit i PD-së për të monitoruar si dhe për të marrë çdo masë në kohë reale për çdo problematikë apo nevojë që mund të kenë degët.

Komisioni fton të gjithë anëtarët e Partisë Demokratike të bëhen pjesë e procesit më të rëndësishëm të zgjedhjes së Kryetarit të Partisë Demokratike me parimin ?një anëtar një votë?.

Më poshtë po sjellim të dhënat për disa qarqe se sa qendra votimi janë ngritur dhe sa anëtarë janë thirrur për të votuar.

Në Krujë janë thirrur për të votuar 1200 anëtarë në dy qendra votimi. Njëra qendër votimi është ngritur te selia e partisë dhe tjetra në Thumanë, ku është përshtatur një ambient.

Në Fushë-Krujë ndodhet një qendër votimi te selia e PD-së, ku do të votojnë 800 anëtarë.

Në Lezhë, Kurbin dhe Mirditë do të votojnë sot për kreun e ri të PD-së 6000 anëtarë.

1825 anëtarë janë thirrur për të votuar në Lushnje dhe 820 anëtarë në Divjakë.

Në Berat qendra e votimit është ngritur në selinë e PD-së, dhe janë të listuar për të marrë pjesë në zgjedhje 2300 anëtarë.

Edhe në Kuçovë qendra e votimit është ngritur në selinë e PD-së për 1500 anëtarë me të drejtë vote. 870 anëtarë do të votojnë në selinë e PD-së në Dimal, ndërsa në Skrapar janë 630 anëtarë dhe në Poliçan 930 anëtarë me të drejtë vote.

Në Gjirokastër pritet të votojnë 1200 anëtarë, në Tepelenë 256 anëtarë, në Këlcyrë 570 anëtarë, në Përmet 470 anëtarë, në Memaliaj 300 anëtarë, duke shkuar në total në 2796 anëtarë.

Në Korçë raportohet se ka një qendër votimi në zyrën e degës. Numri i listës së anëtarëve është 2800.

Në Pogradec janë ngritur 2 qendra votimi në zyrën e degës së qytetit dhe në Proptisht, ku janë listuar për të votuar 1400 anëtarë.

2400 anëtarë janë thirrur për të votuar në Devoll, në qendrën e votimit të ngritur pranë zyrës së degës.

Në Maliq janë ngritur dy qendra votimi për 2200 anëtarë. Edhe në Ersekë janë ngritur dy qendra votimi. Numri i anëtarëve është 700.

Në Fier pritet të votojnë 2000 anëtarë, ndërsa në Patos do të votohet në 1 qendër votimi me 1400 anëtarë.

Në Mallakastër raportohet se është ngritur në 1 qendër votimi me 950 anëtarë dhe në Roskovec do të votohet në 2 qendra votimi me afërsisht 700 anëtarë.

Në qarkun Kukës pritet që të votojnë rreth 1200 anëtarë.

Në Sarandë, procesi i votimit bëhet te selia e PD-së, ku do të votojnë demokratë të Sarandës, Konispolit dhe Finiqit./CNA.al