‘Presidenti’/ Ndoka zbulon ‘lojën’: Basha kapterr i Ramës, Alibeaj korrier informal

20 Maj 2022, 20:26, Politikë CNA
‘Presidenti’/ Ndoka zbulon ‘lojën’: Basha kapterr i

Ish-deputeti Nard Ndoka ka komentuar për CNA.al situatën politike për zgjedhjen e Presidentit të ri, në kohën kur raundi i parë është djegur për mungesën e një emri kandidati.

Propozimin e Dashamir Shehit si kandidat për President nga Fatmir Mediu dhe Agron Duka, Ndoka e pa me optimizëm. Ai deklaroi për CNA.al se Shehi i përmbush kriteret për këtë post, ndërsa pretendon se mund të jetë një përfaqësues dinjitoz i të dyja palëve.

?Dashamir Shehi është një politikan dinjitoz, që përmbush kriteret për President i Republikës. Një personazh politik e publik, që gëzon simpatinë dhe besimin e qytetarëve. Jam i sigurtë, që edhe të majtët do të ndjehen të përfaqësuar denjësisht?, u shpreh ish-deputeti, teksa kërkoi që Presidenti i ri të jetë i paanshëm dhe konsensual.

?Shqipëria ka nevojë për një President konsensual, të paanshëm, që të ketë besimin dhe mbështetjen e palëve dhe të jetë realisht mbrojtës i interesit kombëtar dhe i Kushtetutës?, deklaroi ai.

I pyetur nga CNA.al për marrëveshjen Balla-Alibeaj, Ndoka tha: ?Alibeaj për fat të keq ka ngecur mes Ramës dhe Bashës, në ingranazhet e lojës së tyre po konsumohet deri ku më s?ka!?

Përsa i pëket situatës brenda opozitës, ish-deputeti deklaroi se nuk beson që PD do të gjejë një konsensus.

?Nuk ka asnjë gjasë për konsensus, për faktin se Luli Basha vazhdon të jetë peng dhe tashmë kapterr i vogël i Ramës ku ushtari Alibeaj vazhdon të bëjë korrierin informal. Opozita nuk mund të caktohet, as të emërohet nga Rama e Gjykatat. Opozita është institucion që votohet nga qytetarët dhe në rastin e PD-së nga demokratët?, nënvizoi Ndoka./ CNA.al

Lajmet e fundit nga