Berisha akuza qeverisë/ Si po e shkel Kushtetutën Rama me ministrat për vetëpasurim

20 Maj 2022, 18:16, Politikë CNA
Berisha akuza qeverisë/ Si po e shkel Kushtetutën Rama me ministrat

Ish-kryeministri Sali Berisha, ka hedhur akuza ndaj qeverisë, teks aka përmendur edhe njëherë skandalin e ministres Olta Xhaçka, e cila u shpall investitore strategjike.

Nga Vlora, Berisha tha se Rama ka shkelur Kushtetutën për përfitimet e veta, pasi e cilësoi këtë të fundit si bashkëaksioner.

Sipas tij, shfrytëzimi i pasurive natyrore nga ministrat është edhe arsyeja pse qytetarët po varfërohen.

?Kushtetuta e thotë hapur që deputeti nuk mund të pasurohet me prona publike. Pse e shkel këtë Rama? Absolutisht sepse është aksioner vetë. Sepse kryeministër që firmos duke shkelur Kushtetutën, nuk ka. Po e bën sepse edhe vetë pasurohet.

Prandaj ne demokratët duhet të sqarojmë se pse ne po varfërohemi? Pse ne si vend i pasurive të mëdha po kthehemi në ato vende të mallkuara për burimet pasurore. Atyre ia shfrytëzonin kolonizatorët, ne na e shfrytëzojnë ministrat. Si ka mundësi që të rriten çmimet më shumë se kudo tjetër?

Rriten sepse janë të lidhur me qeverinë. Qeveria, në vend që të indeksojë, sepse kjo është alfa e tregut, ky çfarë bën, zgjedh një bord, thotë joqeveritare gjoja, thotë se ky bordi po cakton ky çmimet. Bordin e blejnë me lecka oligarkët dhe flet sipas tyre, dhe vetë heq përgjegjësitë. Nuk ka qëndrim më antiqytetar se ky? nënvizoi Berisha./ CNA.al

Lajmet e fundit nga