web counter
LEXO PA REKLAMA!

SHKARKO APP

App Store
Google Play

E fundit!

x

Anulimi i mbledhjes për zgjedhjen e Presidentit/ Alibeaj: Dolën parashikimet e mia

20 Maj 2022, 14:49, Politikë CNA

Pas deklaratës së sotme të Partisë Socialiste se dakordësia mes palëve është që opozita të sjellë një emër në raundin e dytë dhe të tretë me firma mbështetëse, grupi i Enkelejd Alibeajt njoftoi anulimin e mbledhjes.

Për këtë ka folur pak më parë vetë Alibeaj, i cili deklaroi para gazetarëve se i vjen keq që dolën parashikimet e tij.

Ai fajësoi mazhorancën për dështimin e negociatave të sotme dhe deklaroi se në procesin e zgjedhjes së Presidentit ka marrë pjesë vetëm për të treguar fytyrën e mazhorancës, që sipas tij është hipokrite.

?Nuk kam asnjë lloj keqardhje. Ne u nisëm për të krijuar një proces që mos të ishte një proces i dhomave të errëta por një proces në sytë e publikut. Për këtë arsye, besoj sot është e qartë se ne sot jemi parimorë. Keqardhja ime është se ne në atë mbledhje, në kryesi ramë dakord, ju e mbani mend se çfarë tha homologu im se ishte dakord me dokumentin tonë. Keqardhja është për faktin se Rama siç ka filluar ashtu do të vazhdojë. Unë ju thashë se ne do merrnim pjesë më së paku për të treguar fytyrën hipokrite të këtij pushteti. Nuk jam i lumtur që dolën parashikimet e mia?, nënvizoi Alibeaj./ CNA.al





Lajmet e fundit nga