LEXO PA REKLAMA!

SHKARKO APP

Bardhi tenton të “këshillojë” Berishën/ Duhet të dëgjosh ndërkombëtarët

20 Maj 2022, 12:21, Politikë CNA
Bardhi tenton të “këshillojë” Berishën/ Duhet

Ish-kryeministri Berisha ka reaguar sot ndaj një deklarate të deputetit gjerman, i cili tha se do të shkëpusin marrëdhëniet me PD-në, në rast se kthehet tek e shkuara.

Berisha e cilësoi si qëndrim personal, ndërsa e ftoi deputetin gjerman të hetojë, nëse gjen dokumente në lidhje me akuzat ndaj tij.

Ndërkohë, pas qëndrimit të Berishës ka reaguar edhe deputeti Gazment Bardhi, i cili tenton të ?këshillojë? Berishën, të dëgjojë apelin e ndërkombëtarëve.

Në një reagim në rrjetet sociale, Bardhi shkruan se pas SHBA-së, tani edhe partnerët  europianë po flasin me zë të lartë për rrezikun e izolimit të PD-së nëse Sali Berisha vijon me ?projektin për marrjen peng të PD-së?.

?Sali Berisha duhet të dëgjojë apelin e partnerëve ndërkombëtarë dhe të ndalë pengmarrjen e PD-së për interesa të tij. Pas qëndrimit të qartë të SHBA-së, tashmë edhe partnerët europianë po flasin me zë të lartë për rrezikun e izolimit të PD-së nëse Sali Berisha vijon me projektin për marrjen peng të PD-së.

Parlamenti Europian në Raportin për Shqipërinë për vitin 2021 (pika 41) ka mbështetur sanksionet e SHBA-së për personat e shpallur “non-grata” për korrupsion madhor dhe i ka bërë thirrje BE-së që të vlerësojë tërësisht një përafrim të mundshëm me veprime të tilla.

Ndërkohë, Gunther Krichbaum, deputet i CDU/CSU në Bundestagun gjerman, dhe një mik dhe zë mbështetës i PD-së për shumë vite, ka bërë të qartë se: nëse PD-ja dëshiron të bashkëpunojë në nivel ndërkombëtar, por edhe të marrë në dorë drejtimin e vendit, duhet të mos kthehet tek e shkuara.

Sali Berisha nuk mund të fshihet dhe të bëjë sikur nuk dëgjon dhe nuk kupton. Ky është momenti që të mos bëjë sikur nuk kupton se po e fut Partinë Demokratike në një rrugë pa krye, duke e izoluar ndërkombtarisht dhe duke çimentuar në këtë mënyrë regjimin e Edi Ramës.?-shkruan Bardhi./CNA.al

Lajmet e fundit nga