web counter
LEXO PA REKLAMA!

SHKARKO APP

App Store
Google Play

E fundit!

x

Ngërçi me negociatat/ Balla lojë fjalësh me Alibeajn për zgjedhjen e Presidentit

20 Maj 2022, 15:01, Politikë CNA

Kryetari i Grupit Parlamentar të Partisë Socialiste, Taulant Balla, ka dalë në një konferencë me gazetarët, pas deklaratave të Enkelejd Alibeajt dhe pas anulimit të mbledhjes për zgjedhjen e Presidentit.

Ashtu si Alibeaj, edhe Balla e hoqi përgjegjësinë nga vetja dhe deklaroi se PS nuk është tërhequr dhe po i qëndron marrëveshjes me opozitën.

?Kolegu im i Grupit Parlamentar të PD, Alibeaj, nëse na kujtohet mirë, të gjithë keni qenë prezent në sallën ngjitur, ku dy ditë më parë kemi bërë një diskutim vijues, ku mendoj se duhet të jetë e qartë, PS lidhur me propozimet që kanë ardhur nga PD për procesin, kemi rënë dakord me ato kritere dhe parakushte që ishin vënë aty. Janë kritere të përcaktuara nga Kushtetuta. Natyrshëm sa i përket procesit, tre gjëra duhet të jenë themelore; e drejta për të propozuar, por dakordësia ka qenë që në dy raundet që vijojnë, 2-3 PS nuk ka të drejtë të propozojë, do të propozojë vetëm opozita.

Nëse nuk është zgjedhur në këto raunde, Presidenti do të zgjidhet në raundin e 4-5. Tjetra, ne kemi thënë që jemi të gatshëm që në këtë fazë të negociojmë emra. Të tre grupet e opozitës mund të vijnë me emra, por duke thënë qartë që procesi të ruajë integritetin e tij. Duhet që kandidati, apo kandidatja të mbështetet vetëm me firmat e opozitës. Kemi bërë llogaritë se sa kandidatë mund të bëjnë opozita. Ata kanë mundësi që të bëjnë 2 propozime deri të dielën. Ne jemi të gatshëm që të ulemi, të flasim?, nënvizoi kreu i Grupit Parlamentar të PS-së./ CNA.al





Lajmet e fundit nga