web counter
LEXO PA REKLAMA!

SHKARKO APP

App Store
Google Play

Presidenti/ Gjiknuri: Të hapur për të diskutuar me opozitën, prania e kamerave në mbledhje tregon paaftësi

21 Maj 2022, 16:14, Politikë CNA

Sekretari i përgjithshëm i PS Damian Gjiknuri ka folur për procedurat e zgjedhjes së presidentit të ri.

Në emisionin ?Kjo Javë? Gjiknuri tha se mazhoranca do të jetë e hapur për tu ulur në tryezë me opozitën dhe për të diskutuar pasuesin e Ilir Metës.

Gjithashtu i ndalur tek zhvillimi i procesit në prani të kamerave, Gjiknuri tha se kjo tregoi thjesht paaftësi, pasi sipas tij diplomacia nuk bëhet në këtë mënyrë.

?Ne i presim të vijnë në tavolinë negociatash. Palët ulen, vihen me emra, s?ka nevojë për kamera, ulen dhe diskutohet. Do të presim deri sa të konsumohet edhe raundi i tretë. Nëse ata propozojnë një kandidat që përmbush kushtet, unë jam i hapur. Ne i dimë personalitet kush janë, e mira është që palët të ulen dhe të flasin për emra konkretë dhe se do të ruajnë ekuilibrat.

Kjo e kamerave është si njeriu që ka frikë të marrë vendime. Ka natyrë vendimesh që merren para kamerave, por kjo është thjesht paaftësi për të marrë vendime,. Nuk bëhet diplomacia kështu, nuk bëhet vendimmarrja me ultimatume?, tha ai, duke shtuar: ?Disa zhvillime të orëve të fundit të opozitës më kanë shqetësuar. Prisnim një dialog, pra do të thotë që palët të ulen pa kushte dhe opozita të vinte me një listë dhe të uleshin në një tavolinë negociata, por kjo nuk ndodhi?, tha Gjiknuri./CNA.al





Lajmet e fundit nga