E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Alibeaj ta mbajë vulën si hajmali”/ Shehu: PD-në nga nesër do ta drejtojë kryetari i ri

21 Maj 2022, 20:01, Politikë CNA

Deputeti i PD-së, Tritan Shehu, ka folur mbi zhvillimet e fundit në Partinë Demokratike.

Në një intervistë Shehu tha se gjykata nuk mund t’iu heqte të drejtën e vulës pasi sipas tij kjo do të vinte në dyshim gjithë establishmentin e gjykatës shqiptare.

Sipas Shehut, tashmë vendimet janë marrë përmes votimit një anëtar një votë për kryetarët e degëve dhe kjo është partia, ndërsa për Alibeajn thotë se mund ta mbajë në xhep sa të dojë, si hajmali.

?Së pari gjykata nuk mund të bëjë një veprim të tillë. Do të ishte një veprim skandaloz ashtu siç është skandaloz edhe fakti i çuarjes në Apel. Megjithatë, gjykata nuk mund të kalojë përtej një caku moral, caku profesional. Mendoj që nuk ka snjë mundësi të bëhet një vendim në kundërshtim me vendimin e shkallës së parë. Përndryshe do të vinte në dyshim gjithë establishmentin e gjykatës shqiptare. Nuk është një gjykatë e cila mund të thotë ku është partia politike. Atë e vendosin anëtarët e saj, militantët e saj, strukturat e saj, idetë e saj, programi i saj. Le t’ia lërë vulën Enkelejdit bashkë me Bardhin se Enkelejdin, Bardhi e ka emëruar. Imagjino ku katandiset partia kur Bardhi emëron Enkelejdin.

Tani vendimet i kanë marrë Kuvendi i dhjetorit, referendumi i 18 dhjetorit, ju e patë sa morën pjesë, i sanksionoi një vullnet i 6 marsit dhe i mori pastaj Kuvendi i prillit. Edhe këto vendime i kanë marrë pastaj të gjitha degët ku kanë kandiduar për kryetarët e degëve, për kryesitë e degëve në mënyrë një anëtar një votë për kryetarët e degëve, me një pjesëmarrje shumë të gjerë. Kjo është partia. Ju thoni vulën. Atë vulë Enkelejdi mund ta mbajë në xhep sa të dojë, ajo vulë nuk vlen më se e kemi ndryshuar. Pra, mund ta mbajë si hajmali po të dojë atë vulë. Partinë Demokratike e drejton Këshilli Kombëtar i zgjedhur dhe që nga nesër do ta drejtojë kryetari i ri që do të zgjidhet. Mos të ketë iluzione askush që të mund të çbëjë Partinë Demokratike?, tha Shehu.