web counter
LEXO PA REKLAMA!

SHKARKO APP

App Store
Google Play

“Masakra e Mejes”/ Shehu kërkesë Kuvendit: Heshtje solemne për të dënuar genocidin serb

27 Prill 2022, 10:35, Politikë CNA

Deputeti i demokrat, Tritan Shehu, në kuadër të përvjetorit të masakrës së Mejës pranë Gjakovës, ka thënë se do të kërkojë që krimet e gjenocidit serb të dënohen.

Shehu ka dalë sot në një deklaratë për mediat, ku ka reaguar edhe në lidhje me sulmet e përsëritura ndaj Policisë së Kosovës, në veri të vendit.

Deputeti Shehu i është drejtuar me një kërkesë Kuvendit të Shqipërisë, ndërsa theksoi se nesër duhet të mbahet një minutë heshtje për viktimat e genocidit serb në Kosovë.

Po ashtu ai theksoi se Kuvendi i Shqipërisë duhet të dënojë zyrtarisht genocidin serb.

Sipas tij, vetëm kështu do të ketë bashkëjetesë të patë në Rajon, e për këtë sipas tij, do të ndërmerren akte Kushtetuese në ditët në vijim.

?Për të kujtuar e nderuar viktimat, por dhe për të dënuar genocidin serb mbi popullsinë e Kosoves i kërkova Kryetares së Kuvendit që, së pari të mbahet një minutë heshtje solemne ne seancën plenare të së nesermës. Këtë kërkesë e bazoj në Pikën 5 të Nenit 7 të Rregullores së Kuvendit.

Pa asnjë dyshim në ditët në vazhdim do të procedohet me hapat kushtetuese për dënimin edhe formal nga Kuvendi i ynë i atij genocidi, në Kosovë dhe më gjërë në Rajon.
Kështu ka vepruar Kuvendi i Kosovës, si dhe Parlamente të tjera të vendeve të Rajonit.
Pa dënuar krimet e genocidet e të kaluarës, pa u kërkuar falje nga përgjegjësit e tyre për ato, nuk mund të ketë paqe e bashkëjetesë në Rajonin tonë.
Ky është një parim themelor mbi të cilën do të përshpejtohet edhe procesi i ynë i integrimit europian, vlerat e të cilës i kërkojnë këto akte?, tha ndër të tjera Tritan Shehu./CNA.al





Lajmet e fundit nga