web counter
LEXO PA REKLAMA!

SHKARKO APP

App Store
Google Play

Lidhja me Habilajt/ GJKKO dënon me 12 vite burg ish-shefin e policisë

22 Prill 2022, 09:12, Kronika CNA

Gjykata e Posaçme Kundër Krimit të Organizuar dhe Korrupsionit ka dënuar me 12 vite burg, ish-shefin e policisë në Dhërmi, Sokol Bode.

Ai akuzohet se kishte lidhje me grupin e Habilajve.

Bode u shpall fajtor për akuzën e trafikut të narkotikëve në kuadër të grupit kriminal.

Sokol Bode ka qenë prej kohësh në vëmendje të publikut dhe medias, pas publikimit të një foto ku shihej përkrah Florian dhe Moisi Habilajt, (ky i fundit i arrestuar pak kohë më parë në Itali për trafik droge).

Bode, bashkë me ish-drejtorin e Policisë së Vlorës, Jaeld Çela si dhe Gjergj Kohila, shefi i sektorit të luftës kundër krimit të organizuar, kanë drejtuar në drejtorinë e Qarkut Vlorë gjatë viteve 2015-2016, ndërsa akuzohen si të përfshirë në dosjen ?Habilaj? për trafikun e kanabisit. Akuza që qëndron mbi këta zyrtarë është ajo e mosveprimit ndaj kultivimit të kanabis sattivës në këtë qark.

Në 3 shkurt 2019, Prokuroria e Krimeve të Rënda dërgoi në Gjykatën e Krimeve të Rënda dosjen për gjykimin e të pandehurve Saimir Tahiri, Jaled Çela, Gjergji Kohila dhe Sokol Bode, nën akuzën ?Trafikimi i narkotikëve?, në bashkëpunim në formën e grupit të strukturuar kriminal, ?Grup i strukturuar kriminal?,  si dhe ?Kryerjen e veprave penale nga organizata kriminale dhe grupi i strukturuar kriminal?, parashikuar nga nenet 283/a/1, 28/4, 333/a/2 dhe 334/1 të Kodit Penal.

Në 10 korrik 2019, gjykata vendosi pezullimin e gjykimit për të pandehurit Sokol Bode dhe Gjergji Kohila pasi nuk ishin gjetur, ndërsa ndau çështjen e tyre nga çështja nga Saimir Tahiri dhe Jaeld Çela. Prokuroria kërkoi 12 vite burg për ish ministrin Tahiri./CNA.al





Lajmet e fundit nga