web counter
LEXO PA REKLAMA!

SHKARKO APP

App Store
Google Play

Policia "me dorë të hekurt" në Korçë/ Arreston 3 transportuesit e drogës, sekuestron 40 kg kanabis

21 Prill 2022, 09:06, Kronika CNA

Policia ka vazhduar operacionet për shkatërrimin e grupeve kriminale në Korçë, ku janë arrestuar deri më tani 19 persona dhe janë sekuestruar 485.5 kilogramë lëndë narkotike kanabis.

Blutë e Korçës bëjnë me dije se kanë vënë në pranga edhe 3 persona të tjerë dhe kanë sekuestruar 40 kilogramë të tjera lëndë e dyshuar narkotike kanabis.

Mësohet se janë arrestuar shtetasit me iniciale:

– A. M., 35 vjeç, banues në fshatin Porodinë, Korçë.

– A. B., 54 vjeç, banues në Korçë.

– A. S., 55 vjeç, banues në fshatin Lumalas, Korçë.

Shërbimet e policisë, në bazë të informacioneve të grumbulluara se shtetasit e mësipërm në bashkëpunim mes tyre, do të transportonin një sasi droge, organizuan punën dhe bënë lokalizimin e mjetit tip “Volkswagen”, në aksin rrugor Korçë-Ersekë, në afërsi të fshatit Dvoran, Korçë, me drejtues shtetasin A. B. dhe pasagjerë dy shtetasit e tjerë. Gjatë kontrollit të ushtruar në automjet, në bagazhin e tij, u gjetën e sekuestruan në cilësinë e provës materiale 22 (njëzetë e dy) pako me peshë totale 40 kg lëndë e dyshuar narkotike kanabis.

Nga veprimet e mëtejshme hetimore, rezultoi se bashkëpunëtorë në këtë aktivitet kriminal, ishin edhe shtetasit A. M. dhe A. S.

Në bashkëpunim me Prokurorinë, po vijojnë hetimet për dokumentimin e plotë të ngjarjes.

Sakaq, materialet i kaluan Prokurorisë së Rrethit Gjyqësor Korçë, për veprën penale “Prodhimi dhe shitja e narkotikëve” e kryer ne bashkëpunim./ CNA.al

Shkatërrohet rrjeti i heroinës dhe kokainës në Korçë/  Zbardhen emrat e  grupit të drogës, qindra ende nën hetim





Lajmet e fundit nga