web counter
LEXO PA REKLAMA!

SHKARKO APP

App Store
Google Play

E fundit!

x

Dalin pamjet nga sherri/ Si një person kërcënohet me pistoletë brenda lokalit

20 Prill 2022, 20:15, Kronika CNA

Policia e Shtetit ka bërë të mundur arrestimin e dy personave në Shëngjin, të cilët kanë kanosur me armë zjarri shtetasin me inicialet Gj.M.

Ndërkohë është bërë publike edhe videoja ku tregohet momenti ku dy të rinjtë hyjnë brenda lokalit dhe me pistoletë kërcënojnë dhe sulmojnë një person.

Sipas policisë dyshohet se konflikti ka ndodhur për motive të dobëta.

?Kanosën me armë zjarri pistoletë një shtetas, brenda një lokali, Policia arreston në flagrancë 2 autorët e dyshuar.

Sekuestrohen një pistoletë me municion luftarak dhe një dorezë metalike.

Pas marrjes së njoftimit së në një lokal në Shëngjin, dy shtetas ishin konfliktuar me një person, si dhe e kishin kanosur atë me armë zjarri pistoletë, shërbimet e Policisë kanë organizuar menjëherë punën dhe kanë bërë të mundur identifikimin dhe kapjen e dy autorëve të dyshuar, konkretisht të shtetasve: E. M., 29 vjeç dhe E. S., 25 vjeç, banues në Shëngjin, të cilët ishin strehuar në një banesë.

Pas kontrollit të ushtruar në banesë dhe kontrollit fizik të tyre, u gjetën dhe u sekuestruan në cilësinë e provës materiale një dorezë metalike (shtetasit E. S.) dhe një armë zjarri pistoletë me krehër me fishekë (shtetasit E. M.), e cila dyshohet të jetë pistoleta e përdorur për kanosjen e shtetasit Gj. M., për motive të dobëta.

Në vijim të veprimeve, shtetasit E. M. dhe E. S. u arrestuan në flagrancë për veprat penale “Mbajtja pa leje dhe prodhimi i armëve, armëve shpërthyese dhe municioneve”, “Kanosja” dhe “Prodhimi, mbajtja, blerja apo shitja pa leje e armëve të ftohta”.

Materialet në ngarkim të tyre i kaluan Prokurorisë pranë Gjykatës së Shkallës së Parë Lezhë, për veprime të mëtejshme?, njofton policia./CNA.al





Lajmet e fundit nga