web counter
LEXO PA REKLAMA!

SHKARKO APP

App Store
Google Play

E fundit!

x

Arrestohen 6 persona në Durrës/ Dy prej tyre në kërkim

21 Prill 2022, 12:08, Kronika CNA

Policia e Durrësit ka vënë në pranga 6 persona për vepra të ndryshme penale, nga të cilët 2 prej tyre ishin në kërkim.

Specialistët për Hetimin e Krimit Ekonomik dhe Financiar në DVP Durrës kanë arrestuar 25-vjeçarin me iniciale M. S., banues në Durrës.

Ai ishte shpallur në kërkim për veprat penale “Vjedhja e kryer duke shpërdoruar detyrën” dhe “Falsifikimi i dokumenteve”, pasi më datë 13.04.2022, ka bërë kallëzim shtetasja M. P., përfaqësuese e një subjekti privat, se punonjësi i këtij subjekti, shtetasi M. S., kishte vjedhur produkte dhe shuma parash, duke falsifikuar firmat e faturave të produkteve.

Specialistët për Hetimin e Krimeve në Komisariatin e Policisë Durrës bënë kapjen dhe ndalimin e shtetasit O. P., 28 vjeç, banues në Durrës, i shpallur në kërkim për veprën penale “Vjedhja”, pasi i ka vjedhur një telefon dhe një sasi parash, shtetasit E. M.

Specialistët e Qarkullimit Rrugor arrestuan në flagrancë për veprën penale “Drejtimi i automjeteve në mënyrë të parregullt”, shtetasit:

A.Sh., 31 vjeç, A. M., 42 vjeç dhe E. S., 37 vjeç, banues në Durrës, pasi u kapën nga shërbimet e Policisë, duke drejtuar automjetet përkatëse, në gjendje të dehur.

Po nga specialistët e Qarkullimit Rrugor u arrestua në flagrancë shtetasi V. H., 19 vjeç, banues në Durrës, pasi ka aksidentuar shtetasen A. D., e cila ndodhet nën kujdesin e mjekëve.

Sakaq, materialet i kaluan Prokurorisë, për veprime të mëtejshme./ CNA.al





Lajmet e fundit nga