web counter
LEXO PA REKLAMA!

SHKARKO APP

App Store
Google Play

E fundit!

x

“Katjushka e Lulit”/ Alibeaj “mbron” pazaret e Bashës me Ramën

24 Mars 2022, 10:12, Politikë CNA

Enkelejd Alibeaj i shkarkuar si nënkryetar i PD, me referendumin e 18 dhjetorit 2021,  po përpiqet të mbajë staturën e kryetarit.

Se si një nënkryetar i shkarkuar nga demokratët mund të jetë kryetar i demokratëve, vetëm ai dhe Lulzim Basha, që kanë inskenuar këtë skandal e dinë.

Por kjo tashmë ka ndodhur dhe Alibeaj, po del lart e poshtë si kryetar, saqë ende nuk e ka shkruar në ballë.

Sot, Alibeaj në Kuvend, që nga mbërritja e derisa mori fjalën po mundohet të luajë rolin e kryetarit dhe duke bërë sikur është I interesuar për mocionin në lidhje me rritjen e çmimeve.

?Unë kam kërkuar këtë mocion me debat për rritjen e çmimeve. Dhe besoj se është më e udhës që pikërisht sot të diskutojmë për këtë çështje me prioritet. Prandaj zonjë të vijojmë sa më parë me diskutimin?, ka thënë Alibeaj, duke u mjaftuar me kaq dhe duke mos u marrë me thelbin e çështjes dhe arsyen se përse interpelanca për rritjen e çmimeve zvarritet për të dytën herë.

Pasi ka dështuar në këtë pikë, Alibeaj është përfshirë edhe në një tjetër skandal, duke u hequr të drejtën e fjalës deputetëve të tjerë demokratë, që janë në krahun e Komisionit të Rithemelimit.

Pra dështoi si kryetari i PD-së, që ëndërron të jetë një ditë, gjithashtu dështoi edhe si kreu i grupit parlamentar.

Por dështimet edhe Alibeajt njësoj si Lulit i duken fitore.

Heqja e drejtës së fjalës kolegëve, për Alibeajn është një problem brenda familjes.

?Familja jonë, grupi i PD ka rregullat e veta, kontributin e vet, rregulla të përcaktuara, edhe deputetët, miqtë e mi kolegë të nderuar nuk është e hijshme të nxjerrin çështje të brendshme.

Kemi të gjitha mundësitë për të bërë kërkesat për të gjitha çështjes. Të gjithë kanë gjetur mundësinë për të folur.

Një kërkesë fare të vogël kam. Një familje serioze në respekt për njëri-tjetrin, ju bëj thirrje që primarë është që kjo pjesë e djathtë e Kuvendit të jetë protektor i interesave të qytetarëve shqiptarë?, është shprehur Alibeaj sikur mos të kishte ndodhur asgjë.

Alibeaj nuk ka pse të shqetësohet për rritjen e çmimeve, një milioner si ai nuk ka pse të reagojë, ndaj shqetësimi për të cilin ngrenë zërin kolëget e tij që sot u ka hequr fjalën, është i tepërt për Alibeajn.

Ky i fundit po u qëndron korrekt pazareve të dyshimta të Lulzim Bashës me Edi Ramës, pazare të cilët e çuan PD drejt shkërmoqjes.

Kjo sjellje dhe ky qëndrim i Alibeajt ka sjellë reagim të ashpër edhe tek demokratët të cilët ndjekin Partinë Demokratike në rrjete sociale.

Demokratët e quajnë Alibeaj si ?katjushka e Lulit?.

Ata kërkojnë se me urdhër të kujt u bë Alibeaj, kryetar.

?E vuri këtë që të na duket Basha lule?Me urdhër të kujt u bë kryetar ky. PD ka rregullore. A e zgjodhi kryesia e PD-së këtë? Si duan të bashkohen këta mjeranë kur nuk zbatojhet asnjë rregullore, asnjë nen i statutit?Ik kukull e Edi Ramës.?, shkruajnë të revoltuar demokratët.

Njësoj si Basha edhe Alibeaj për demokratët është një veglat e kryeministrit Edi Rama.

?Poshtë tradhërat, veglat e Edvinoviçit..Kush flet për rregullore, po ti me cilën rregullore je aty..?, shkruajnë më tej demokratët./CNA.al





Lajmet e fundit nga