web counter
LEXO PA REKLAMA!

SHKARKO APP

App Store
Google Play

“PD duhet të veprojë për të bashkuar demokratët”/ Salianji: Negociatat nuk mund të vendosen me ultimatume

23 Mars 2022, 21:33, Politikë CNA

Deputeti demokrat Ervin Salianji, pas përfundimit të mbledhjes së Kryesisë së Partisë Demokratike, ka dhënë një prononcim për mediat. Ai ka theksuar se PD duhet të veprojë për të arritur bashkimin e demokratëve. Ai shtoi se negociatat nuk mund të vendosen me ultimatume. Sipas tij është pa kuptim që të mos ketë një bashkim të PD-së në një kohë që edhe presidenti ukrainas i kërkon në vijëmësi homologut Putin të bisedojnë, edhe pse vendet e tyre momentalisht janë në luftë.

?Personalisht kam insistuar që Partia Demokratike duhet të bëjë çdo hap për bashkimin e demokratëve dhe të krijohet mundësia për një grup dhe komision që të përfshijë edhe pjesën e deputetëve të cilët kanë pasur ndasi me Partia Demokratike zyrtare. Është momenti që kushdo të bëjë pas në ambiciet e veta për të pasur mundësinë që PD të kthehet në fituese. Negociatat nuk mund të vendosen me ultimatume, duhet të kenë tërheqje. Po i kërkon negociata presidenti i Ukrainës takime e konsultime çdo ditë Putinit dhe jo më ne që kemi qenë bashkë e kemi bërë beteja me njëri-tjetrin. Të ulemi dhe të flasim, nuk pati propozime për emra konkretë. Besoj që duhet të qëndrojmë në këto shina pa nisur asnjë aktivitet. Të nisë bashkimi dhe të përfundojë me një garë reale. Momenti për të reflektuar për ata që do të bëjnë hapa pas. Na bashkojnë më shumë gjëra se sa na ndajnë. Të nisim njëherë me ato që na bashkojnë?, është shprehur ai./ CNA.al





Lajmet e fundit nga