web counter
LEXO PA REKLAMA!

SHKARKO APP

App Store
Google Play

Berisha takim me përfaqësues të forcave politike shqiptare në Malin e Zi/ Zbardhen diskutimet

23 Mars 2022, 16:40, Politikë CNA

Ish kryeministri Sali Berisha ka mbajtur ditën e sotme një takim me përfaqësues të forcave politike shqiptare në Malin e Zi: Mehmet Zenka-Kryetar i Unionit Demokratik në Mal të Zi; Saubih Mehmeti-Kryetar i Lidhjes Demokratike ne Mal të Zi me bashkëpunëtorët e tyre.

Takimi vjen në një kohë kur Mali i Zi është në pritje të krijimit të qeverisë së re të pakicës, e cila pritet të kryesohet nga shqiptari Dritan Abazoviç.

Përfaqësuesit e Shqiptarëve të Malit të Zi, kanë falenderuar zotin Berisha dhe Partinë Demokratike për rolin e luajtur në afirmimin e të drejtave njerëzore etnike të shqiptarëve në Malin e Zi.

Nga ana tjetër, Berisha ka vlerësuar rëndësinë e pakicës shqiptare në Malin e Zi, për stabilitetin e vetë këtij shteti dhe rajonit në tërësi.

Ai e quajti rolin e tyre thelbësor në arritjen e pavarësisë së Malit të Zi, një ngjarje e rëndësishme për të gjithë rajonin.

?Forcat politike kombëtare shqiptare në Mal të Zi kanë merita të veçanta në të gjitha arritjet e shqiptarëve në këtë Republikë. Mbrojtja e interesave të këtyre të fundit është shoqëruar me garanci më të mëdha për liritë dhe të drejtat njerëzore dhe kombëtare të shqiptarëve.

Ndaj dhe unë, u drejtohem me thirrjen më miqësore qytetarëve shqiptarë në Malin e Zi që të vojnë për kandidatët dhe partitë shqiptare, si kushti më i sigurt për garantimin dhe zgjerimin e mëtejshëm të lirive dhe të drejtave njerëzore dhe etnike?, u shpreh Berisha./ CNA.al





Lajmet e fundit nga