web counter
LEXO PA REKLAMA!

SHKARKO APP

App Store
Google Play

Shqipëria me një Presidente?/ Çfarë po planifikon PS 

23 Mars 2022, 10:53, Politikë CNA

Kreu i grupit parlamentar të PS, Taulant Balla nuk e ka përjashtuar mundësinë, që pasuese e Ilir Metës, në krye të shtetit të jetë një zonjë.

Gjatë një prononcimi për mediat pas mbledhjes së grupit parlamentar të PS, Balla tha se ?do kemi një president, ose presidente të re?.

?Neni 88 i Kushtetutës ka përcaktuar kohën kur fillon procesi i zgjedhjes së Presidentit. Procedurat fillojnë jo më vonë se sa 60 ditë nga data e përfundimit të mandatit. Pra jo më vonë se 24 maji. Kuvendi ka ende kohë në dispozicion dhe pak ditë deri sa të fillojë procedurat. Procedura e zgjedhjes së Presidentit të Republikës merr 5 raunde në Kuvend.

Në 2017 Presidenti i Republikës është zgjedhur më 27 prill sepse procesi përkonte me mbarimin e mandatit të Kuvendit. Në rastin tonë, procesi duhet të përfundojë më 24 maj dhe brenda datës 24 maj që është dhe një ditë, që ka pasur një kontekst të caktuar historik, ne do të kemi dhe presidentin e ri të Republikës, ose Presidenten e re të Republikës.
Edhe sot në konferencën e radhës së kryetarëve nuk do kemi një kalendar për këtë çështje. Kalendari do të miratohet në një mbledhjet pasardhëse. Ky proces ka një kalendar të posaçëm?, tha Balla./CNA.al





Lajmet e fundit nga