web counter
LEXO PA REKLAMA!

SHKARKO APP

App Store
Google Play

E fundit!

x

“Na kurseni fyerjen e inteligjencës”/ Manjani tregon si po i rrjep qeveria, qytetarët

23 Mars 2022, 10:30, Politikë CNA

Ish-ministri i Drejtësisë, Ylli Manjani akuzon Qeverinë, për rritjen e faturave të ujit dhe energjisë.

Sipas tij, ashtu si në rastin e naftës, faturat ngarkohen me taksa, tatime e tarifa të tjera.

Po ashtu Manjani shkruan se këto nuk janë taksa lufte, por taksa luksi për qeveritarët.

?Bjerini në top shoqe e shokë qeveritarë!

Qëndisini mirë ato faturat e ujit e dritave!

Për sa kohë që ju votojnë, mos ja ndani! Deri në palcë.

Po të paktën na kurseni fyerjen e inteligjencës.

Uji, fjala vjen, faturohet si nafta.

Kjo e fundit e ka vlerën në depo 90 lekë për litër, por ngarkohet me 125 lekë taksa, tatime e tarifa të tjera. Uji, kushton 1000 lekë, por ngarkohet me 1200 taksa e tarifa.

Pra formalisht nuk rritet çmimi, sepse faktikisht ngarkohet me taksa e detyrime që e tejkalojnë çmimin. Kujtoj se shteti kur vendos tarifë nënkupton mbulimin e kostos së produktit që shet, dhe kostot e gjithë shtetit dhe koncensioneve. Ligjërisht të paktën këto koncepte janë të ndara? apo ç?e do ligjin?!

Aty në ato ujra notojnë dhe faturat e energjisë. Ngarkesa taksash e tarifash që faktikisht rrisin çmimin e energjisë. Faturat mujore poshtë 10 000 lekëshit ka vite që nuk i shohim më?

Matësat, kam idenë se janë kot. Këto nuk janë fatura lufte, por luksi.

Bjerini këtij mileti se e meriton, përderisa ju voton!

Na bini edhe neve që s?u votuam, përderisa hamë në një çanak me votuesit tuaj??-shkruan Ylli Manjani./CNA.al





Lajmet e fundit nga