web counter
LEXO PA REKLAMA!

SHKARKO APP

App Store
Google Play

"Basha ishte i shkarkuar me Kuvendin e 11 dhjetorit”/ Këlliçi: Energjitë t’i kanalizojmë në bërjen e opozitës ndaj Ramës

22 Mars 2022, 18:48, Politikë CNA

Anëtari i Komisionit të Rithemelimit të Partisë Demokratike, Belind Këlliçi, në një intervistë televizive ka komentuar aktin e dorëheqjes së Lulzim Bashës nga kreu i PD-së. Këlliçi ka theksuar se vendimi i Bashës nuk është dorëheqje, por thjeshtë një largim nga zyra. Kjo pasi vendimi për largimin e tij nga posti në krye të selisë blu, është marrë nga Kuvendi i 11 dhjetorit.

?Zoti Basha u largua nga zyra sepse u shkarkua në Kuvendin e 11 dhjetorit. Vendimi i delegatëve është ratifikuar,me referendum kombëtar ku zoti Basha u shkarkua nga anëtarësia, por është për tu përshëndetur një vendim i vonuar. I takon bazës dhe demokratëvetë zbatojnë vendimet e Kuvendit të PD. Do ketë dinamika, megjithatë mund ta quajmë një gjysëm hap pozitiv për të zgjidhjen e krizës brenda PD-së, edhe pse një hap tejet i vonuar?, u shpreh ai.

Këlliçi ka folur edhe në lidhje me dinamikat brenda Partisë Demokratike gjatë muajve të fundit. Ai vlerësoi se duhet me doemos sa më parë të nisë opozita ndaj Ramës, pasi energjitë  e harxhuara në debatet brenda Partisë Demokratike, nuk kanë lënë shumë vend për bërjen e opozitës.

?Në 7 muaj ka pasur debat intensiv brenda Partisë Demokratike, ka pasur përplasje por është lënë në harresë Edi Rama dhe qeveria. Duhet të bëjmë një minutë e më parë opozitën ndaj Ramës. Fokusi i debateve ka qenë zgjidhja e krizës së brendshme. Pas këmbënguljes sonë që një krizë e tillë duhet të zgjidhet vetëm me votë dhe kundërshtive që kjo të mos ndodhte, sot jemi në një situatë që kriza do të zgjidhet siç thamë ne, pra me votë.  Qëllimi ynë tani është normalizimi i marrëdhënieve me kolegët. Ne çdo deklaratë timen kam pasur qasje bashkuese e jo përjashtuese. Në politikë nuk ka xhaketa të vjetra por njerëz me kontribute. Kemi nevojë për çdo demokrat?, shpjegoi ai./ CNA.al





Lajmet e fundit nga