web counter
LEXO PA REKLAMA!

SHKARKO APP

App Store
Google Play

E fundit!

x

“Dorëheqja e Bashës e vonuar”/ Kikia: Opozita nuk mund të ishte peng i një individi

22 Mars 2022, 17:27, Politikë CNA

Gazetari Mentor Kikia e ka quajtur dorëheqjen e Lulzim Bashës një akt të vonuar, pasi sipas tij kushdo që nuk arrin të vijë në pushtet duhet të largohet. Në një studio televizive, ai ka nënvizuar faktin që një parti politike nuk mund të jetë peng i një personi të vetëm, e Basha me qendrimin e tij në selinë blu ka dëmtuar opozitën e këtij vendi.

?Në politikë ka gjithmonë një moment për të pranuar realitetin. Basha është ndër të vetmit që ka qenë në krye të një partie të madhe dhe e ka konsumuar kohën e tij pa mundur që të vijë në pushtet. Politika kjo është; nëse nuk vjen në pushtet duhet të tërhiqesh. Mendoj se duhet të ishte tërhequr më parë sepse i ka shkaktuar shumë dëme opozitës. Opozita është një pasuri e shoqërisë dhe nuk mund të jetë peng e një individi. Është një dorëheqje e vonuar sepse PD-ja tashmë është në një krizë të thellë?, tha ai.

Sa i përket zgjedhjeve të 6 marsit, Kikia i ka quajtur tregues i një realiteti se nga anonte në të vërtetë shumica në Partinë Demokratike. Shumicë që sipas tij dukshëm ishte kundër Bashës, çka solli edhe rezultatin e turpshëm të këtij të fundit në këto zgjedhje./ CNA.al





Lajmet e fundit nga