E fundit!

12:56 Aktualitet

VIDEO/ Rama i kritikon, kryebashkiakët ia plasin të qeshurës

Kryeministri Edi Rama ka kritikuar ditën e sotme gjatë zhv...

Dorëheqja e vonuar e Bashës/ Ish deputeti: PD u mor peng dhe u përdor për interesa personale

22 Mars 2022, 18:30, Politikë CNA

Ish deputeti Lefter Maliqi ka reaguar pas dorëheqjes së vonuar të Lulzim Bashës nga drejtimi i PD, ndërsa ka thënë se ky u fundit u largua pa kthim.

Në një postim në rrjetin social Facebook, Maliqi shkruan se dorëheqja e ish kryeministri Sali Berisha në vitin 2013 ishte një gabim i rëndë, ndërsa shton se për shkak të këtij veprimi PD u mor peng dhe u përdor për interesa personale.

?U dorëhoq pa rikthim! U rikthye për mos t’u dorëhequr deri ne fitore! Dorëheqja e Liderit Historik Berisha në 2013, u shoqërua me lot, dëshpërim dhe keqardhje nga demokratët, të cilët mendonin se ishte gabim i rëndë dhe ky gabim bëri që PD të merrej peng, të perdorej për nteresa personale duke shitur interesat e demokratëve; duke shitur mandatet e deputeteve, duke shitur të gjitha bashkitë, duke shitur çdo betejë, deri në cënim të demokracisë, pluralizmit politik dhe duke favorizuar dhe duke lënë dorën të lirë Narko-shtetit për të vjedhur e drejtuar vendin me banda, oligarkë duke e kthyer vendin në parcelë droge, në varfërim pasiguri dhe në shpopullim?, shkruan Maliqi.

Më tej, ish deputeti shkruan se pas 9 viteve të PD-së në opozitë, Berisha u rikthye me energji për të zgjuar shpresën e demokratëve.

?9 vjet në pozitë ku shpresa dhe besimi po vdiste. Doktori u dorëhoq pa rikthim duke lënë në krye të Pd-së, ish-kryetarin e drejtues të tjerë që i rriti dhe i bëri Deputetë, Ministra dhe mori nga ata mosmirënjohjen dhe sulmin ndaj tij që as e kishte imagjinuar;jo ai por as demokratët e thjeshtë, ata meritojnë perbuzje. Zoti deshi dhe e rikthehu me dinjitet dhe krenari, me energji duke zgjuar shpresë, besimin për fitore, për ndryshim, mirëqënie dhe të ardhme Europiane. Demokratët dhe opozitarët i bashkon e ardhmja kundër Narko-shtetit! S’ka kohë për të humbur! Të nisim punën fortë në baze me takime, riorganizim dhe bashkim për fitoren e ‘Zgjedhjeve Lokale’ dhe më pas ato ‘Parlamentare’! Fitore!?, përfundon Maliqi./E.K-CNA.al